Xitay armiyisi népalgha qachqan tibetliklerni yene oqqa tutti

2007-10-31
Élxet
Pikir
Share
Print

Fransiye agéntliqining katmandodin xewer qilishiche, 10 ayning 18 ‏- küni, tibettin népalgha qachqan 46 neper kishining 36 si népalgha yétip kelgen. Orgini washin'gtondiki tébet herikiti we daramsaladiki tébet teshkilatlirining éniqlishiche, kommunist zulumigha chidimay tibettin qachqan kishiler shangbala tagh éghizigha kelgende, kommunist xitay armiyisi ularni oqqa tutqan.

Hazir 9 ademning iz -dériki yoq. Emma kéyin melum bolushiche, 3 ademni xitay qoshunliri tutuwalghan. Xitay armiyisi 2006 ‏- yilidimu mushu tagh éghizida tibettin népalgha qachqan 75 ademge oq chiqirip, 2 ademni étip öltürgen idi.

Tébet kishilik hoquq teshkilatlirining bayan qilishiche, hazir kommunist xitayning kontrolluqidiki tibettin her yili ikki-üch ming adem népalgha qéchip kélip panahliq tilewatidu.

Ularning köpinchisi türmige élinip azaplan'ghan yaki xitayning 'wetenperwerlik terbiyisi' ge chidashliq bérelmigen rahiplar we 18 yashtin töwen ösmürler. Birleshken döletler teshkilatining musapirlar orgini ularni tizimlap, yardem bergendin kéyin daramsaladiki muhajirettiki tébet hökümitige ötküzüp bériwatidu. (Weli)

Pikirler (0)
Share
Toluq bet