Tibette kommunist partiyidin ümid üzgen kishiler köpeymekte

2007-11-28
Élxet
Pikir
Share
Print

Hazir xitay kommunist partiyisining tibettiki asasiy qatlam teshkilatlirida, kommunist partiyidin ümid üzüp, dalay lamaning qaytip kélishini téleydighan we tébet musteqilliqini qollaydighan kommunist partiye ezaliri köpeymekte.

Tébet aptonom rayonluq partkom intizam tekshürüsh komitétining 2007 ‏- yil 2 ‏- nomurluq höjjitidin melum bolushiche, tibette mushu yilning béshida, pan'ga nahiyilik jama'et xewpsizlik idarisining alahide wezipe bijiridighan xadimi, pubaw sheherchisining qoshumche mu'awin bashliqi pénsojenzen 2007 ‏- yili 4 ‏- ayda, namoso méhmanxanisida échilghan bir chong yighinda 'yashisun tébet musteqilliqi, yashisun dalay lama' dep shu'ar towlighanliqi üchün partiyidin chiqirilip, menseptin qaldurulup 8 yilliq qamaq jazasigha höküm qilin'ghan.

Tébet aptonom rayonluq partkomning bu qizil bashliq mexpiy höjjitidin melum bolushiche, xitay kommunist partiyisining tibettiki asasiy qatlam teshkilatlirining dalay lamachilar teripidin parchilinip, pénsojenzendek 'kommunist partiyining sütini émip turup, dalay lamani ana deydighan partiye ezaliri'ning peyda bolushidin we rikézi shehirining kangma yézisidiki ladon'gha oxshash oqughuchilargha dalay lamani toxtimay teshwiq qilidighan mu'ellimlerning peyda bolushidin saqlinish üchün, hazir pütün tibette markisizm neziriyisi we sotsiyalizm qurush terbiyisini keng kölemde élip bérish dep atalghan basturush herikiti élip bérilmaqta. (Weli)

Pikirler (0)
Share
Toluq bet