Шәрқий түркистан тәшкилатлар мунбири һәйити әнқәрә билән бурса шәһиридә муһим учришишлар елип барди

Ихтиярий мухбиримиз әркин тарим
2019-10-23
Елхәт
Пикир
Share
Принт
Шәрқий түркистан тәшкилатлар мунбири һәйити түркийә парламентида милләтчи һәрикәт партийәсиниң түркий милләтләргә мәсул муавин рәиси профессор камил айдин әпәнди(солдин үчинчи) билән. 2019-Йили 21-өктәбир.
Шәрқий түркистан тәшкилатлар мунбири һәйити түркийә парламентида милләтчи һәрикәт партийәсиниң түркий милләтләргә мәсул муавин рәиси профессор камил айдин әпәнди(солдин үчинчи) билән. 2019-Йили 21-өктәбир.
RFA/Erkin Tarim

Түркийәдики уйғурларниң нопусиниң көпийишигә әгишип уларниң қийинчилиқлириму көпәймәктә. Буларниң мәсилисини һәл қилиш үчүн истанбулда паалийәт елип бериватқан шәрқий түркистан тәшкилатлар мунбири рәиси һидайәтулла оғузхан башчилиқидики 6 кишилик һәйәт әнқәрәдә муһим учришишлар елип барди. Улар 21-өктәбир күни алди билән түркийә парламентида һөкүмәтни қоллап келиватқан өктичи партийәләрдин бири болған милләтчи һәрикәт партийәсиниң түркий милләтләргә мәсул муавин рәиси профессор камил айдин әпәнди билән партийә мәркизидики ишханисида көрүшүп, уйғурларниң қийинчилиқлири баян қилинған язма доклат сунди вә уйғурларниң һазирқи еғир вәзийити тоғрисида мәлумат бәрди. Шәрқий түркистан аммиви тәшкилатлар мунбири рәиси һидайәт оғузхан әпәнди, камил айдин әпәндиниң һәйәтни қизғин күтүвалғанлиқини, қолидин келишичә ярдәм қилидиғанлиқини дегәнликини ейтти.

Арқидин шәрқий түркистан тәшкилатлар мунбиригә әза тәшкилатларниң мәсуллиридин тәркиб тапқан һәйәт түркийә президент мәһкимиси тармиқидики чәтәлдики түркләр вә қериндаш милләтләр идарисиниң башлиқи абдулла әрән әпәнди билән көрүшти. Абдулла әрән әпәндиниң ишханисида елип берилған учришишта униңға уйғур оқуғучилар дучар болуватқан қийинчилиқларни һәл қилип бериши, уйғурларниң тәлим-тәрбийә, ана тил өгиниши, уйғурларниң өрп-адәтлирини қоғдап қелиш үчүн уйғур тәшкилатлириға ярдәм бериши тоғрисида тәләпләрни оттуриға қойған. Шәрқий түркистан маарип вә һәмкарлиқ тәшкилати башқуруш һәйити әзаси абдулварис хотән әпәнди учришишниң мувәппәқийәтлик өткәнликини баян қилди.

Түркийә чәтәлдики түркләр вә қериндаш милләтләр идариси чәтәлдики түркләр вә түркий милләтләрдин түркийәгә оқуғучи әкелип оқутуватқан идарә болуп, дуняниң һәр қайси дөләтлиридә туруватқан түркий милләтләрниң аммиви тәшкилатлириға иқтисадий җәһәттин ярдәм бәрмәктә. Мәзкур идарә һазир 350 уйғур оқуғучисиға оқуш мукапати берип оқутмақта. Абдулварис хотән әпәнди давамлиқ әнқәрәгә келип түркийә җумһурийитиниң мунасивәтлик идарә җәмийәтләрни зиярәт қилип уйғурларниң һазирқи еғир вәзийитини аңлитиш вә уйғурларниң тәләп-пикирлирини аңлитип турушниң зор әһмийәткә игә икәнликини оттуриға қойди.

Шәрқий түркистан султан сатуқ буғрахан илим-мәрипәт вәхпә һазир 150 әтрапида уйғур оқуғучиға оқуш мукапат пули бәрмәктә. Улар һәр ай охшимайдиған шәһәр вилайәтләргә берип уйғур оқуғучилар билән сөһбәт йиғинлири өткүзүп уларниң қийинчилиқлири вә тәләп-пикирлирини аңлап уларға маддий вә мәниви җәһәттин ярдәм беришкә тиришмақта. Һидайәт оғузхан әпәнди башчилиқидики һәйәт 20-өктәбир күни уйғур оқуғучилар әң көп университетлардин бурсадики улудағ университетиға берип, уйғур оқуғучилар билән сөһбәт елип барғандин сирт, мәзкур университетниң мунасивәтлик рәһбәрлири билән учрашқан. Һидайәт оғузхан әпәнди бу һәқтә мәлумат бәрди.

Бурса улудағ университетидики уйғур оқуғучиларниң вәкили абдуқадир абдукерим бу зиярәтниң бурсадики уйғур оқуғучиларниң маддий вә мәниви қийинчилиқлирини һәл қилиш үчүн пайдилиқ болғанлиқини тәкитлиди.

Шәрқий түркистан тәшкилатлар мунбиригә әза тәшкилатларниң мәсуллиридин тәркиб тапқан 10 кишилик һәйәт бу айниң бешида қаһраманмараштики сүтчи имам университети, конядики сәлчуқ университети вә кастомунидики кастомону университетидики уйғур оқуғучилар билән сөһбәт елип берип, мәктәп рәһбәрлири биләнму учрашқаниди.

Пикирләр (0)
Share
Толуқ бәт