Америка уйғур бирләшмисиниң 9-нөвәтлик сайлими өткүзүлди

Мухбиримиз әзиз
2019-10-27
Елхәт
Пикир
Share
Принт
Америка уйғур бирләшмисиниң 9-нөвәтлик сайлимида рәисликкә сайланған қуззат алтай әпәнди(оттурида) қуран вә айюлтузлуқ көкбайрақни тутуп туруп қәсәм қилмақта. 2019-Йили 26-өктәбир.
Америка уйғур бирләшмисиниң 9-нөвәтлик сайлимида рәисликкә сайланған қуззат алтай әпәнди(оттурида) қуран вә айюлтузлуқ көкбайрақни тутуп туруп қәсәм қилмақта. 2019-Йили 26-өктәбир.
Photo: RFA

Америкадики ‍уйғурларниң әң чоң аммиви тәшкилати болған америка уйғур бирләшмисиниң 9-нөвәтлик сайлими 26-өктәбир күни ғәлибилик өткүзүлди.

Американиң вирҗинийә, марийланд вә башқа шитатлиридин кәлгән 300 чә уйғур җамаити шу күни бир йәргә җәм болуп, 2019-йиллиқ сайлам комитетиниң назарәтчиликидә ашкара беләт ташлаш усули билән бу қетимқи рәис вә һәйәт әзалирини сайлап чиқти.

Сайлам белити ташлаштин аввал америка ‍уйғур җәмийитиниң йоқлуқтин барлиққа келиш вә зорийиш җәрянида ишләнгән хизмәтләр әсләп өтүлди. Шуниңдәк бу җәрянда пидакарлиқ билән хизмәт қилған шәхсләр йиғин әһлигә бу һәқтә тегишлик чүшәнчә бәрди.

Сайламда һәрқайси җайлардин кәлгән ‍уйғур җамаити бу қетимқи рәислик намзатиға өзини мәлум қилған қуззат алтайни қоллаш яки қоллимаслиқ бойичә өзлириниң сайлам белитини ташлиди. Ахири қуззат алтай сайлам әһлиниң 95 пирсәнт қоллиши билән америка уйғур бирләшмисиниң йеңи бир нөвәтлик рәиси болуп сайланди.

Сайламдин кейин қуззат алтай вә ‍у талливалған һәйәт әзалири өзлириниң нөвәттики вәзийәттә қилмақчи болған ишлири һәққидә сайлам әһлигә мәлумат бәрди. Шундақла көпчиликниң бу һәқтә сориған соаллириға тегишлик җаваб бәрди.

Бирләшминиң сабиқ вә йеңи һәйәт әзалири радийомизниң зияритини қобул қилип, өзлириниң бу қетимқи сайлам һәққидә ойлиғанлирини биз билән ортақлашти. Биз бу қетимқи сайламниң тәпсилати һәққидә әтики программимизда давамлиқ хәвәр беримиз.

Пикирләр (0)
Share
Толуқ бәт