Amérika Uyghur birleshmisining 9-nöwetlik saylimi ötküzüldi

Muxbirimiz eziz
2019-10-27
Élxet
Pikir
Share
Print
Amérika Uyghur birleshmisining 9-nöwetlik saylimida re'islikke saylan'ghan quzzat altay ependi(otturida) qur'an we ayyultuzluq kökbayraqni tutup turup qesem qilmaqta. 2019-Yili 26-öktebir.
Amérika Uyghur birleshmisining 9-nöwetlik saylimida re'islikke saylan'ghan quzzat altay ependi(otturida) qur'an we ayyultuzluq kökbayraqni tutup turup qesem qilmaqta. 2019-Yili 26-öktebir.
Photo: RFA

Amérikadiki ‍Uyghurlarning eng chong ammiwi teshkilati bolghan amérika Uyghur birleshmisining 9-nöwetlik saylimi 26-öktebir küni ghelibilik ötküzüldi.

Amérikaning wirjiniye, mariyland we bashqa shitatliridin kelgen 300 che Uyghur jama'iti shu küni bir yerge jem bolup, 2019-yilliq saylam komitétining nazaretchilikide ashkara bélet tashlash usuli bilen bu qétimqi re'is we hey'et ezalirini saylap chiqti.

Saylam béliti tashlashtin awwal amérika ‍Uyghur jem'iyitining yoqluqtin barliqqa kélish we zoriyish jeryanida ishlen'gen xizmetler eslep ötüldi. Shuningdek bu jeryanda pidakarliq bilen xizmet qilghan shexsler yighin ehlige bu heqte tégishlik chüshenche berdi.

Saylamda herqaysi jaylardin kelgen ‍Uyghur jama'iti bu qétimqi re'islik namzatigha özini melum qilghan quzzat altayni qollash yaki qollimasliq boyiche özlirining saylam bélitini tashlidi. Axiri quzzat altay saylam ehlining 95 pirsent qollishi bilen amérika Uyghur birleshmisining yéngi bir nöwetlik re'isi bolup saylandi.

Saylamdin kéyin quzzat altay we ‍u talliwalghan hey'et ezaliri özlirining nöwettiki weziyette qilmaqchi bolghan ishliri heqqide saylam ehlige melumat berdi. Shundaqla köpchilikning bu heqte sorighan so'allirigha tégishlik jawab berdi.

Birleshmining sabiq we yéngi hey'et ezaliri radiyomizning ziyaritini qobul qilip, özlirining bu qétimqi saylam heqqide oylighanlirini biz bilen ortaqlashti. Biz bu qétimqi saylamning tepsilati heqqide etiki programmimizda dawamliq xewer bérimiz.

Pikirler (0)
Share
Toluq bet