Ablimit Tursun ependi teminligen
Белгийәдә яшаватқан аблимит турсунниң бу йил 31-май күни хитай даирилири тәрипидин бейҗиңдики белгийә әлчиханисида тутқун қилинған аяли вә төт пәрзәнтиниң вәзийити һәққидә из қоғлап хәвәр берип кәлмәктимиз. Белгийә даирилири аблимит турсунниң аилә әзалирини сүрүштә қилиш тәлипи бойичә хитайға бу йил июнниң оттурилирида бир қетим, өткән һәптә йәнә бир қетим дипломат әвәткәнлики мәлум.
Аблимит турсун 30-июл белгийә ташқи ишлар министирлиқиниң хадимлири билән көрүшкән болуп, дипломатийә хадими җеф бокард униңға өзлириниң өткән һәптә үрүмчигә йәнә бир қетим дипломат әвәткән болсиму, әмма хитай тәрәпниң уларни аблимитниң аилиси билән көрүштүрмигәнликини билдүргән. Хитай тәрәп белгийә дипломатлириниң соалиға җавабән: «аблимит турсунниң хотун-балилириниң чеградин чиқишиға йол қоймаймиз, әмма аблимит турсун қайтип келимән десә, ярдәм қилимиз» дегән икән.
Программиниң тәпсилатини юқиридики аваз улиниши арқилиқ белгийәдики аблимит турсун әпәнди билән өткүзгән сөһбитимиздин аңлайсиләр.
