Ablimit Tursun ependi teminligen
Bélgiyede yashawatqan ablimit tursunning bu yil 31-may küni xitay da'iriliri teripidin béyjingdiki bélgiye elchixanisida tutqun qilin'ghan ayali we töt perzentining weziyiti heqqide iz qoghlap xewer bérip kelmektimiz. Bélgiye da'iriliri ablimit tursunning a'ile ezalirini sürüshte qilish telipi boyiche xitaygha bu yil iyunning otturilirida bir qétim, ötken hepte yene bir qétim diplomat ewetkenliki melum.
Ablimit tursun 30-iyul bélgiye tashqi ishlar ministirliqining xadimliri bilen körüshken bolup, diplomatiye xadimi jéf bokard uninggha özlirining ötken hepte ürümchige yene bir qétim diplomat ewetken bolsimu, emma xitay terepning ularni ablimitning a'ilisi bilen körüshtürmigenlikini bildürgen. Xitay terep bélgiye diplomatlirining so'aligha jawaben: "Ablimit tursunning xotun-balilirining chégradin chiqishigha yol qoymaymiz, emma ablimit tursun qaytip kélimen dése, yardem qilimiz" dégen iken.
Programmining tepsilatini yuqiridiki awaz ulinishi arqiliq bélgiyediki ablimit tursun ependi bilen ötküzgen söhbitimizdin anglaysiler.
