Aman haji aptonom rayonning mu'awin re'islik wezipisidin élip tashlandi

2004-11-05
Élxet
Pikir
Share
Print

Yéqinda Uyghur aptonom rayonluq xelq qurultiyining 10 - yighini, Uyghur aptonom rayonining re'isi ismayil tiliwaldining aman hajini aptonom rayonning mu'awin re'islik wezipisidin élip tashlash heqqidiki teklipini qobul qildi. Shu küni chiriye nahiyilik xelq qurultiyining 13 - yighini qarar chiqirip, aman hajining Uyghur aptonom rayonluq xelq qurultiyidiki wekillik salahiyitini élip tashlighan. Buning bilen aman haji partiye, hökümet we xelq qurultiyidiki barliq wezipisidin ayrildi. Aman haji ilgiri chiriye nahiyisidin aptonom rayonluq 10 - nöwetlik xelq qurultiyining wekili bolup saylan'ghan .

Xitay kompartiyisi merkizi intizam tekshürüsh komitéti yéqinda aman hajining partiyidin qoghlap chiqirilghanliqini jakarlap, uning teptish da'irilirige tapshurup bérilidighanliqini élan qilghan idi. Közetküchiler, aman hajining hökümet we xelq qurultéyidiki barliq wezipisidin élip tashlini'ishi uning sotqa tartilishining yolini achti dep perez qilishmaqta. Aman haji bu yilnng bashliri xitay merkizi intizam tekshürüsh komitéti teripidin béyjingda nezerbend astigha élinip, xiyanetchilik bilen tekshürülgen. Uning kanadadiki inisi élshat haji kanadadin béyjinggha chaqirtip kélin'gendin kéyin qolgha élin'ghan. U türmidiki waqtida ölgen idi. (Erkin )

Pikirler (0)
Share
Toluq bet