ئۈرۈمچىدىكى تەجرىبىخانىلاردا بۇلغىنىش ئېغىر

2004-12-29
ئېلخەت
پىكىر
Share
پرىنت

ئۈرۈمچى شەھەرلىك مۇھىت قوغداش ئىدارىسىنىڭ ئۈرۈمچىدىكى دوختۇرخانا، تەتقىقات ئورۇنلىرى ۋە تەكشۈرۈش پونكىتلىرىدىن بولۇپ 76 ئورۇننىڭ تەجرىبىخانىلىرى ئۈستىدىن ئېلىپ بېرىلغان تەكشۈرۈش نەتىجىسىگە ئاساسلانغاندا ، بۇ تەجرىبىخانىلارنىڭ كېرەكسىز گاز ۋە سۇلارنى بىر تەرەپ قىلىشى پۈتۈنلەي لاياقەتسىز ئىكەن.

شىنجاڭ گېزىتىنىڭ خەۋىرىدە كۆرسىتىلىشىچە، بۇ تەجرىبىخانىلاردا كېرەكسىز گاز ۋە بۇلغانغان سۇلارنى بىر تەرەپ قىلىدىغان ئەسلىھەلەر يوق بولۇپ، تەجرىبە جەريانىدا كېلىپ چىققان بارلىق بۇلغانغان گازلار بىۋاستە ھاۋاغا قويۇپ بېرىلىدىكەن ھەمدە بۇلغانغان زەھەرلىك سۇلارمۇ ئادەتتىكى كېرەكسىز سۇ تۇرۇبىلىرىغا قۇيۇلىدىكەن.

تەجرىبىخانىلاردىن چىققان كېرەكسىز گاز ۋە سۇلار كىشىلەرنىڭ سالامەتلىكىگە ئېغىر زىيان بولۇپ، كېرەكسىز سۇ تۇرۇبىلىرىغا قويۇپ بېرىلگەن سۇلار قايتا تازىلىنىپ، يەنىلا كىشىلەر تەرىپىدىن ئىستىمال قىلىنىدىغان بولغاچقا، بۇ بۇلغانغان تەركىپلەر كىشىلەر بەدىنىگە كىرىدىكەن.

سەھىيە ئۆلچىمى بويىچە، تەجرىبىخانىلاردىن چىققان زەھەرلىك گاز ۋە سۇلار ئايرىم بىر تەرەپ قىلىنىدىغان بولۇپ، ئۇنى ھەرگىزمۇ ھاۋاغا ياكى ئادەتتىكى كېرەكسىز سۇ تۇرۇبىلىرىغا قويۇپ بېرىشكە بولمايدۇ. (پەرىدە)

پىكىرلەر (0)
Share
تولۇق بەت