Dilshat rishitning ayali xitay saqchilirining soraq qilishigha uchridi

2005-06-08
Élxet
Pikir
Share
Print

Dunya Uyghur qurultiyining bayanatchisi dilshat rishitning ayali méhriban gérmaniyidin béyjinggha barghanda xitay bixeterlik da'iriliri teripidin tutup qélin'ghan. Shundaqla xitay saqchiliri uning pasportini tartiwélip ürümchidiki a'iliside nezerbentke alghan. Yéqinda méhriban yoshurun halda xongkong arqiliq gérmaniyige kéliwalghan.

Teywen merkiziy axbarat agéntliqining melum qilishiche, méhriban 3 - ayning 15 - küni gérmaniyidin béyjing ayrupilan istansisigha yétip kelgende, bir nechche puqrache kiyin'gen xitay bixeterlik idarisining xadimliri uni udul bir méhmanxanigha élip kétip, bir heptigiche uning bu yerge kélishtiki meqset-muddi'alirini sürüshte qilghan.

Bir heptidin kéyin, bixeterlik xadimliri uni ürümchige élip kélip, a'ilide nezerbentke alghan. Kéyin méhriban bashqilarning yardimi bilen alghan yalghan pasport arqiliq 6 yashliq qizini élip xongkonggha qéchip chiqqan hemde u yerdin gérmaniyige tinch-aman chiqiwalghan. (Peride)

Pikirler (0)
Share
Toluq bet