Xitay hökümiti Uyghurlarning diniy erkinlikini boghuwatidu

2005-04-11
Élxet
Pikir
Share
Print

Xelq'ara kishilik hoquqni küzitish teshkilati we xitayda kishilik hoquq teshkilati düshenbe küni birlikte doklat élan qilip, xitay hökümitining bölgünchilkke we térrorchiliqqa qarshi turush nami astida, Uyghur xelqining diniy erkinlikini basturush herikiti élip bériwatqanliqini bildürdi.

Kishilik hoquqni közitish teshkilati we xitayda kishilik hoquq teshkilatining éytishiche, 114 betlik mezkur doklat xitay kommunist partiyisi we xitay hökümitining hazirgha qeder ashkarilimighan mexpiy höjjetlirige, Uyghur rayonida yolgha qoyulghan yéngi qanun we belgimilerge, xitay metbu'atida chiqqan xewelerlerge shundaqla Uyghur rayonida kishiler bilen élip bérilghan söhbetlerge asasen teyyarlan'ghan iken .

Doklatta, xitay hökümitining Uyghur rayonida élip bériwatqan qanunlirining murekkepliki, bu qanun we belgilimilerning Uyghurlarni diniy erkinlik, jem'iyet qurush erkinliki, yéghilish erkinliki we sözlesh erkinlikidin pütünley mehrum qalduriwatqanliqi pakit - ispatlar bilen ashkarilan'ghan .

Xelq'ara kishilik hoquq teshkilatining asiya bölümining mudiri brad adams, xelq'ara térrorchiliqning Uyghur rayonidiki basturush herikitini téximu tézlitish üchün xitaygha nahayiti yaxshi purset yaritip bergenlikini tekitlep, béyjing hökümiti xitaylar künséri ilgiriligen halda diniy erkinliktin behrimen boliwatqan bir peytte, dinni Uyghurlarni téximu köp basturush üchün bir wasite qilip ishletmekte, dédi. (Qanat)

Pikirler (0)
Share
Toluq bet