Хитай һөкүмити диний әркинликини боғуш җәрянида өлгән бир уйғурниң "шәрәплик" қурбан болғанлиқини елан қилди

2005-07-15
Елхәт
Пикир
Share
Принт

Хитай компартийиси, диний ибадәт әркинликини боғқанлиқи үчүн диндар уйғурлар тәрипидин өлтүрүлгән хотәнниң қарақаш наһийисидики кәнт кадири мәтсалихан әхмәтни " шәрәп билән қурбан болған" үлгилик компартийә әзаси, дәп елан қилди.

Хитай һөкүмити шәрқий түркистан күчлирини 1990 - йиллардин бери бейҗиңпәрәс диний затларға сүйиқәст қилиш билән әйиблимәктә иди. Әмма мәтсалихан әхмәт, қарақаш наһийисидики пуқраларниң мәсчит селип, диний - ибадәт әмирини орунлишиға қарши чиққанлиқи үчүн өлтүрүлгән.

"Шинҗаң гезити" ниң хәвәр қилишичә, бу йил 52 яштики мәтсалихан әхмәт қарақаш наһийисидики бир кәнтниң партком секритари болуп, кәнттики пуқраларниң мәсчит селишиға қарши чиққанлиқи үчүн, мәзкур кәнттики икки уйғур тәрипидин бу йил 2 - айда өлтүрүлгән.

Уйғур аптоном райони парткоминиң зувани "шинҗаң гезити", җүмә күни мәтсалихан әхмәт тоғрисида мақалә елан қилди. "Шинҗаң гезити" ниң ашкарилишичә, мәтсалихан әхмәт билән биргә, шу кәнтниң җамаәт хәвпсизлик ишлириға мәсул хадимиму өлтүрүлгән. Әмма "шинҗаң гезити" бу вәқә мунасивити билән қанчилик кишиниң қолға елинғанлиқини шундақла мәтсалихан әхмәтни өлтүрүш билән әйибләнгән икки уйғурниң ақивити тоғрисида тохталмиди.

Хитай асаси қанунида пуқраларниң диний ибадәт әркинликигә игилики тәкитләнгән, әмма хитай һөкүмити пуқралақниң диний ибадәт әркинликини боғуш билән әйибләнмәтә. (Әркин)

Пикирләр (0)
Share
Толуқ бәт