Mekit xelq artistliri dolan xelq naxshilirini en'gliyide orunlimaqchi

2006-06-25
Élxet
Pikir
Share
Print

Qeshqer wilayitining mekit nahiyisidiki 5 neper xelq artisti yéqinda en'gliyide ötküzilidighan xelq'araliq xelq naxsha-muzikiliri féstiwaligha qatniship, dolan xelq naxshilirini orunlaydiken.

Tengritagh xewer torining melum qilishche, bu artistlar yéshi 58 yashtin 76 yashqiche bolghan xelq artistliri bolup, ular bu dolan naxshilirini insanlarning gheyri maddiy medeniyet mirasliri süpitide en'gliyidiki bu féstiwalda orunlaydiken. Lékin xewerde éniq kün tertipi bérilmigen.

Mekitlik bu 5 neper dolan naxshichiliri Uyghur élida ammining qizghin alqishigha érishipla qalmay, ilgirimu fransiye we koriye qatarliq döletlerde dolan muzikilirini orunlap tamashibinlarning alqishigha érishken we dölet ichide köp qétim mukapatlarni alghan.

Buningdin sirt yene, aqsu wilayitining awat nahiyisidiki xelq artistliridin teshkillen'gen dolan ansambili bu yil 11‏-ayda dunyadiki dangliq muzika sariyi bolghan wénaning altun tiyatirxanisida dolan muqamini körsetmekchi. Uyghurlarning "‏12 muqam" i 2005‏- yili birleshken döletler teshkilati teripidin "insanlarning aghzaki we gheyri maddiy medeniy mirasliri" tizimlikige kirgüzülgen bolup, shuningdin buyan Uyghur muqami xelq'ara sen'et sehniside közge körünüshke bashlidi. (Peride)

Pikirler (0)
Share
Toluq bet