Хитайниң долан әл ичи сәнәткарлириға бәргән турмуш капалити чәтәлдики уйғурларниң наразилиқини қозғиди

2006-11-30
Елхәт
Пикир
Share
Принт

Йеқинда хитайниң аптоном районлуқ һөкүмити, уйғур долан сәнәткарлиридин 12 нәпиригә ғәмхорлуқ қилип, уларниң турмушиға капаләтлик қилғанлиқини билдүргән болуп, хитай мәтбуатлиридин ашкарилинишичә мәшһур долан муқамчиси һөсәйин йәһяға 11 ‏- айдин етибарән 110 йүән муаш бәргән.

Игилишимизчә, долан муқамчиси һөсәйин йәһя, әнгилийә, японийә, франсийә қатарлиқ дөләтләргә берип оюн қоюп, чәтәлликләрни һәйран қалдурған, бирақ уларни чәтәлләрдә оюн қоюшқа уюштурған хитай һөкүмити, долан сәнитини җуңхуа мәдәнйитиниң бир қисми дәп тонуштуруп, униң шәрипигә игә болған болсиму, әмдиликтә аз сандики 12 муқамчини 15 долларға йәтмәйдиған муаш билән тәминләп, уларниң турмушиға капаләтлик қилғанлиқини тәшвиқ қилған.

Хитай хәлқи арисидики чаңчил сәнәткарлириға алаһидә ғәмхорлуқ қилип, уларни юқири турмуш сәвийисигә игә қилған хитай һөкүмитиниң долан әл ичи сәнәткарлирини әң төвән турмуш капалити билән тәминлиши, чәтәлләрдики уйғурларниң күчлүк наразилиқини мәйданға кәлтүрмәктә, уларниң билдүрүшичә, уйғур мәдәнйитидики мәшһур сәнәт түрлиридин бири болған долан сәнитини, әвлатларға мирас қалдуруш вә техиму тәрәққи қилдуруш интайин муһим бир хизмәт болуп, хитай һөкүмитиниң долан муқаминиң пишваси һөсәйин йәһяға аран 110 йүән муаш бериши, униң турмушини капаләткә игә қилалмайла қалмастин , уйғурларниң әнәнивий мираслирини қоғдашқиму көңүл бөлмәйватқанлиқини көрситидикән .

Көзәткүчиләр йәнә , хитай һөкүмити, һечқачан хитай болмиған милләтләрниң мәдәнйитини қоғдашқа әһмийәт бәргән әмәс дейишмәктә. (Әқидә)

Пикирләр (0)
Share
Толуқ бәт