Долан муқамлириниң сақлинишида варислар кәмчил болмақта

2006-09-20
Елхәт
Пикир
Share
Принт

Долан муқами гәрчә йеқинда, бирләшкән дөләтләр тәшкилати тәрипидин, дуняви қоғдилидиған ағзаки мәдәнийәт түригә киргүзүлгән болсиму, долан муқамини толуқ билидиған хәлқ сәнәткарлири 300 гә йәтмәйду.

Долан муқаминиң варислар йетишмәслики сәвәблик йоқап кетиш еһтималлиқи бар. Бу йил мәкиттики пешқәдәм муқамчилар мәкитни асас қилип 14 яштин 18 яшқичә болған җәмий 36 яш өсмүрләргә мәхсус долан муқамлирини өгитишкә киришкән.

Шинхуа ториниң бу һәқтә бәргән хәвиридә һөкүмәтниң сөзини нәқил кәлтүрүп "бу йил һөкүмәт мәкиттә муқам варислирини тәрбийиләшкә мәхсус 50 миң йүән мәбләғ аҗратти, униңдин башқа муқам устазлири һәмдә шагиртлириниң һашар әмгики бикар қилинди дейилгән".

Бу хәвәрдин мәлумки, мәкит хәлқи йәни әвладму - әвлад мәшрәпләрни муқам әвладлирини йетиштуруштики тәбиий мәктәп қилип кәлгән долан мәкит хәлқи йәнила һашар әмгикидин қутулалмиған.

Бәзи уйғур сәнәткарлар, долан муқаминиң, нәччә миң йиллардин һазирға қәдәр юқалмай сақлинип, нөвәттә әвлад йетишмәслик сәвәбидин йоқап кетиш гирдабиға келип қелишиниң хитай һөкүмитиниң уйғурларға йүргүзгән сиясий, иқтисадий, диний бесимлиридин башқа, һашар әмгәклири арқилиқ деһқанларниң әзәлдин давамлишип келиватқан мәшрәп паалийәтлири өткүзүшиниңму тосалғуға учраватқанлиқи билән мунасивәтлик икәнликини көрсәтмәктә. (Гүлчеһрә)

Пикирләр (0)
Share
Толуқ бәт