Dolan muqamlirining saqlinishida warislar kemchil bolmaqta

2006-09-20
Élxet
Pikir
Share
Print

Dolan muqami gerche yéqinda, birleshken döletler teshkilati teripidin, dunyawi qoghdilidighan aghzaki medeniyet türige kirgüzülgen bolsimu, dolan muqamini toluq bilidighan xelq sen'etkarliri 300 ge yetmeydu.

Dolan muqamining warislar yétishmesliki seweblik yoqap kétish éhtimalliqi bar. Bu yil mekittiki péshqedem muqamchilar mekitni asas qilip 14 yashtin 18 yashqiche bolghan jem'iy 36 yash ösmürlerge mexsus dolan muqamlirini ögitishke kirishken.

Shinxu'a torining bu heqte bergen xewiride hökümetning sözini neqil keltürüp "bu yil hökümet mekitte muqam warislirini terbiyileshke mexsus 50 ming yü'en meblegh ajratti, uningdin bashqa muqam ustazliri hemde shagirtlirining hashar emgiki bikar qilindi déyilgen".

Bu xewerdin melumki, mekit xelqi yeni ewladmu - ewlad meshreplerni muqam ewladlirini yétishturushtiki tebi'iy mektep qilip kelgen dolan mekit xelqi yenila hashar emgikidin qutulalmighan.

Bezi Uyghur sen'etkarlar, dolan muqamining, nechche ming yillardin hazirgha qeder yuqalmay saqlinip, nöwette ewlad yétishmeslik sewebidin yoqap kétish girdabigha kélip qélishining xitay hökümitining Uyghurlargha yürgüzgen siyasiy, iqtisadiy, diniy bésimliridin bashqa, hashar emgekliri arqiliq déhqanlarning ezeldin dawamliship kéliwatqan meshrep pa'aliyetliri ötküzüshiningmu tosalghugha uchrawatqanliqi bilen munasiwetlik ikenlikini körsetmekte. (Gülchéhre)

Pikirler (0)
Share
Toluq bet