Д у қ баянатчиси дилшат решит хотән вәқәси һәққидә тохталди

2008-03-30
Елхәт
Пикир
Share
Принт

Тәйвән мәркизий агентлиқиниң хәвәр қилишичә, дуня уйғур қурултийиниң баянатчиси дилшат решит баянат елан қилип, хитай һөкүмитиниң кәң көләмдә һәрикәт қоллинип, хотәндики намайишта 500 йеқин адәмни тутқун қилғанлиқи һәмдә учурларни қамал қилғанлиқини билдүрди.

Дилшат решит 23 вә 24 - март күнлири хотән шәһридә наразилиқ намайиши елип берилғанлиқи вә буларниң %80 тидин көпрәкиниң аялларни тәшкил қилғанлиқи, уларниң хитай даирилиридин уйғурларға қаратқан тутқун қилишни тохтитишни, сиясий тутқунларни қоюп беришни тәләп қилғанлиқини билдүргән.

Хитай даирилири хотәндики намайиш әһвалиниң сиртқа тарқилишини қаттиқ қамал қилған болсиму, лекин йәрлик пуқралар намайишниң йүз бәргәнликини ашкарилиған . Игилишимизчә намайишчилар өз тәләплиридә йәнә хитай һөкүмитидин диний әркинлик вә миллий өрп - адәтләрни һөрмәт қилишниму тәләп қилған. Бундақ хилдики наразилиқ һәрикәтлири шу күни йәнә қарақаштиму йүз бәргән болуп, бирақ тезла тарқитиветилгән икән. Бу қетимқи хотән уйғурлириниң наразилиқ һәрикәтлири тибәтләрниң кәң көләмлик наразилиқ намайишлириниң бастурулуши билән хәлқара җәмийәттә зор ғулғулилар йүз берип, хәлқара җәмийәтниң хитайни тәнқид қилиши һәтта бир қисим дөләт башлиқлириниң олимпик мурасимиға қатнашмайдиғанлиқини җакарлишиға тоғра кәлди.

Дилшат решит дуня уйғур қурултийиниң хәлқара җәмийәттин хитайниң шәрқий түркистандики сияситигә йеқиндин диққәт етибарини беришини, б д т инсан һоқуқи комитети уйғурларниң инсан һоқуқи мәсилисини кишилик һоқуқ йиғинниң күн тәртипигә қоюп, музакирә қилишини тәләп қилидиғанлиқини билдүрди. (Үмидвар)

Пикирләр (0)
Share
Толуқ бәт