D u q bayanatchisi dilshat réshit xoten weqesi heqqide toxtaldi

2008-03-30
Élxet
Pikir
Share
Print

Teywen merkiziy agéntliqining xewer qilishiche, dunya Uyghur qurultiyining bayanatchisi dilshat réshit bayanat élan qilip, xitay hökümitining keng kölemde heriket qollinip, xotendiki namayishta 500 yéqin ademni tutqun qilghanliqi hemde uchurlarni qamal qilghanliqini bildürdi.

Dilshat réshit 23 we 24 - mart künliri xoten shehride naraziliq namayishi élip bérilghanliqi we bularning %80 tidin köprekining ayallarni teshkil qilghanliqi, ularning xitay da'iriliridin Uyghurlargha qaratqan tutqun qilishni toxtitishni, siyasiy tutqunlarni qoyup bérishni telep qilghanliqini bildürgen.

Xitay da'iriliri xotendiki namayish ehwalining sirtqa tarqilishini qattiq qamal qilghan bolsimu, lékin yerlik puqralar namayishning yüz bergenlikini ashkarilighan . Igilishimizche namayishchilar öz telepliride yene xitay hökümitidin diniy erkinlik we milliy örp - adetlerni hörmet qilishnimu telep qilghan. Bundaq xildiki naraziliq heriketliri shu küni yene qaraqashtimu yüz bergen bolup, biraq tézla tarqitiwétilgen iken. Bu qétimqi xoten Uyghurlirining naraziliq heriketliri tibetlerning keng kölemlik naraziliq namayishlirining basturulushi bilen xelq'ara jem'iyette zor ghulghulilar yüz bérip, xelq'ara jemiyetning xitayni tenqid qilishi hetta bir qisim dölet bashliqlirining olimpik murasimigha qatnashmaydighanliqini jakarlishigha toghra keldi.

Dilshat réshit dunya Uyghur qurultiyining xelq'ara jem'iyettin xitayning sherqiy türkistandiki siyasitige yéqindin diqqet étibarini bérishini, b d t insan hoquqi komitéti Uyghurlarning insan hoquqi mesilisini kishilik hoquq yighinning kün tertipige qoyup, muzakire qilishini telep qilidighanliqini bildürdi. (Ümidwar)

Pikirler (0)
Share
Toluq bet