Үрүмчидики 5000 аһалә газ йетишмәслик қийинчилиқиға дуч кәлди

2005-12-21
Елхәт
Пикир
Share
Принт

Уйғур елидә йеқинда тәбиий газ вә көмүр қатарлиқ енергийиләрниң йетишмәслик әһвали көрүлүп, үрүмчидики 5000 аһалә нөвәттә газ йетишмәслик қийинчилиқиға дуч кәлмәктә.

Үрүмчидә "көк асман қурулуши" йолға қоюлғандин буян, нурғун аһалиләр муһитни яхшилаш үчүн өйлиригә тәбиий газ турубилирини орнатқан иди. Әмма бу йил қиш келиши билән "йери кәң, байлиқ мәнбәси мол" дәп атилип кәлгән уйғур елидә, газ йетишмәслик әһвали көрүлди. Бу әһвал үрүмчидә бир қәдәр рошән көрүлүп, нурғун аһалиләргә тәбиий газ йетишмиди вә бир қанчә газ понкитлири тақиветилди.

Үрүмчи шәһәрлик йеқилғу газ һәссидарлиқ ширкити, тәбиий газ йетишмәслик әһвалиниң асаслиқи қиш пәсли келиши билән үрүмчидики аһалиләрниң газ ишлитиш миқдариниң ешиши сәвәбидин келип чиққанлиқини билдүрди. Әмма уйғур көзәткүчиләр бу җавабтин қанаәтләнмиди. Улар, тәбиий газ вә нефит байлиқи мол уйғур районида газ йетишмәсликигә, хитайниң бу байлиқларни башқа өлкиләргә көп миқдарда йөткәп кетиши сәвәб болғанлиқини билдүрмәктә.

Бу арида хитай һөкүмити чаршәнбә күни уйғур елидин хитай өлкисигә туташтуридиған иккинчи ғәрбниң газини шәрққә йөткәш газ турубиси чоң қурулушни пиланлиғанлиқини җакарлиди. Хитайниң йәр-земин вә байлиқ мәнбәси министирлиқиниң билдүрүшичә, бу қурулуш 2020‏- йили башлинидиған болуп, бу уйғур елидин хитайниң енергийигә ечирқап кәткән гуаңҗу райониғичә туташтурулидикән. Шундақла бу салмақчи болған газ турубисидин һазир бар болған дәсләпки ғәрбниң газини шәрққә йөткәш газ турубисиға қариғанда икки һәссә көп газ маңғузулидикән. (Пәридә)

Пикирләр (0)
Share
Толуқ бәт