Ürümchidiki 5000 ahale gaz yétishmeslik qiyinchiliqigha duch keldi

2005-12-21
Élxet
Pikir
Share
Print

Uyghur élide yéqinda tebi'iy gaz we kömür qatarliq énérgiyilerning yétishmeslik ehwali körülüp, ürümchidiki 5000 ahale nöwette gaz yétishmeslik qiyinchiliqigha duch kelmekte.

Ürümchide "kök asman qurulushi" yolgha qoyulghandin buyan, nurghun ahaliler muhitni yaxshilash üchün öylirige tebi'iy gaz turubilirini ornatqan idi. Emma bu yil qish kélishi bilen "yéri keng, bayliq menbesi mol" dep atilip kelgen Uyghur élide, gaz yétishmeslik ehwali körüldi. Bu ehwal ürümchide bir qeder roshen körülüp, nurghun ahalilerge tebi'iy gaz yétishmidi we bir qanche gaz ponkitliri taqiwétildi.

Ürümchi sheherlik yéqilghu gaz hessidarliq shirkiti, tebi'iy gaz yétishmeslik ehwalining asasliqi qish pesli kélishi bilen ürümchidiki ahalilerning gaz ishlitish miqdarining éshishi sewebidin kélip chiqqanliqini bildürdi. Emma Uyghur közetküchiler bu jawabtin qana'etlenmidi. Ular, tebi'iy gaz we néfit bayliqi mol Uyghur rayonida gaz yétishmeslikige, xitayning bu bayliqlarni bashqa ölkilerge köp miqdarda yötkep kétishi seweb bolghanliqini bildürmekte.

Bu arida xitay hökümiti charshenbe küni Uyghur élidin xitay ölkisige tutashturidighan ikkinchi gherbning gazini sherqqe yötkesh gaz turubisi chong qurulushni pilanlighanliqini jakarlidi. Xitayning yer-zémin we bayliq menbesi ministirliqining bildürüshiche, bu qurulush 2020‏- yili bashlinidighan bolup, bu Uyghur élidin xitayning énérgiyige échirqap ketken gu'angju rayonighiche tutashturulidiken. Shundaqla bu salmaqchi bolghan gaz turubisidin hazir bar bolghan deslepki gherbning gazini sherqqe yötkesh gaz turubisigha qarighanda ikki hesse köp gaz mangghuzulidiken. (Peride)

Pikirler (0)
Share
Toluq bet