Béyjing amérikidin gü'antanamodiki Uyghur esirlerni ötküzüp bérishni telep qildi

2004-10-31
Élxet
Pikir
Share
Print

Xitay tashqi ishlar ministirliqi aldinqi küni bayanat élan qilip, amérika hökümitidin amérika déngiz armiyisining gu'antanamo bazisidiki 22 neper Uyghur esirni qayturup bérishni yene telep qildi.

Amérika birleshme axbarat agéntliqining xewer qilishiche, xitay tashqi ishlar ministirliqi ilgiri gu'antanamodiki Uyghurlar xitaygha qayturup bérilse térrorchiliq jinayiti bilen sotlinidighanliqini élan qilghan. Xitay tashqi ishlar ministirliqining bayanatchisi jang chiyö, amérikini gü'antanamodiki Uyghurlar mesilisini ihtiyatchanliq bilen bir terep qilishqa chaqirdi. Amérika tashqi ishlar ministirliqi bayanatchisi rochard bochérning ashkarilishiche, tashqi ishlar ministiri kolin powél yéqinda xitayni ziyaret qilghanda, xitay hökümiti gu'antanamodiki Uyghurlarni tézrek qayturup bérishni telep qilghan.

Esirlerni 3 - bir döletke ötküzüp béridighanliqini élan qilghan amérika, tutqunlar xitaygha qayturup bérilse jazalanmaydighanliqigha kapaletlik qilghili bolmaydu, dep qaraydiken.

Xitay tashqi ishlar bayanatchisi jang chiyö, " sherqiy türkistan térrorchiliri xelq'ara térrorluq küchlerning bir qisimi, ular jonggo we amérikini öz ichige alghan xelq'ara jem'iyet we xelqning hayati we mal-mülkige éghir tehdit " dep körsetti. Amérikini xelq'ara térrorchiliqqa qarshi hemkarliqqa, shundaqla xitay - amérika munasiwitining asasi éqimini chiqish qilishqa chaqirghan jang chiyö, amérikining "mesilisini xelq'ara qanunlar boyiche éhtiyatchanliq bilen hel qilip, xelq'ara térrorchiliqqa qarshi hemkarliqni ziyan'gha uchritidighan ish qilmasliqi kérek " likini ilgiri sürgen. Biraq xelq'ara kishilik hoquq organliri xitayni térrorchiliqqa qarshi turushni bahane qilip, Uyghurlarning kishilik we siyasi hoquqini ayaq asti qilish bilen eyibligen. (Erkin)

Pikirler (0)
Share
Toluq bet