Kishilik hoquq teshkilati shangxey hemkarliq teshkilatini kishilik hoquqqa hörmet qilishqa chaqirdi

2006-06-14
Élxet
Pikir
Share
Print

Shangxey hemkarliq teshkilatigha eza döletler rehberliri teshkilat yighini üchün shangxeyge yighiliwatqan peytte, xelq'ara kishilik hoquq közitish teshkilati charshenbe küni shangxey hemkarliq teshkilatini kishilik hoquqqa hörmet qilishqa chaqirdi.

Kishilik hoquq közitish teshkilati doklatida, shangxey hemkarliq teshkilatining xelq'ara kishilik hoquq ölchemlirige hörmet qilishni telep qilish bilen birge, bu teshkilatning térrorchiliqqa qarshi urushtin paydilinip, dölet ichidiki öktichilerni basturmasliqini tekitlidi. Mezkur bayanatta yene, Uyghur mesilisi mexsus tilgha élinip, "junggo térrorchiliqqa qarshi turush pilanini Uyghurlarni rehimsizlerche basturushqa ishletmekte" dep körsetti.

Dunya Uyghur qurultiyining bayanatchisi dilshat rishit kishilik hoquq közitish teshkilatining bu bayanatini qarshi aldi. Emma u yene xitay hökümitining shangxey hemkarliq teshkilatidin paydilinip Uyghurlarni basturush herikitining buningdin kéyin téximu éghirlishishi mumkinlikini körsitip, "shangxey hemkarliq teshkilatining özi, kishilik hoquqni depsende qilidighan döletler kulubidur" dédi.

Buningdin 5 yil ilgiri qurulghan shangxey hemkarliq teshkilati deslepte chégra mesilisini hel qilishni muddi'a qilghan bolsa, hazir bu teshkilat mezmunini térrorchiliq, bölgünchilik we diniy esebiychilikke zerbe bérishkiche kéngeytti. Shundaqla Uyghurlarning siyasiy herikitige zerbe bérishmu bu teshkilatning muhim meqsetlirining birige aylandi. (Peride)

Pikirler (0)
Share
Toluq bet