Burlin'gton pochta géziti: olimpik mezgili hüseyin jélilni qutquzushning eng yaxshi waqti

Xitay türmisidiki kanada puqrasi hüseyin jélilning kanadadiki yurtida chiqidighan "burlin'gton pochta géziti" jüme küni bash maqale élan qilip, hüseyin jélilning türmidin qeshqerdiki anisigha yazghan we yéqinda kanada metbu'atlirida élan qilin'ghan xétining kishini bi'aram qilmay qalmaydighanliqini we olimpik yighini mezgili uni qutquzushning eng yaxshi waqti ikenlikini bildürdi.
Muxbirimiz erkin xewiri
2008-05-30
Élxet
Pikir
Share
Print

 Aptor bash maqalide mundaq deydu," béyjing olimpik musabiqisining bashlinishigha yene 69 kün qaldi. Biz kanadaning siyasi bésim ishlitip, hüseyin jélil bilen körüshni qolgha keltürüshke buningdin yaxshi purset kelmeydighanliqigha ishinimiz. Pütün dunyaning diqqiti xitaygha merkezlishidighan mushu peytte, uning qoyup bérilishi üchün söhbetlishishning buningdin yaxshi pursiti bolmasliqi muqerrer". Bash maqalide yene, shuninggha qarimay héchnéme qilmasliqning "hüseyin jélilgha we a'ilisige uning bir wetensiz adem ikenliki bishariti" ni béridighanliqini tekitligen.

Kanada da'irilirining jélilning délosi üstide bash qaturuwatqanliqini süzlishige qarimay, " ottawaning aylardin béri jélilning hayat -mamatliqidin xewer alalmighanliqi uning bu jehettiki muwappeqiyiti yoq diyerlik" ikenlikidin dérek béridighanliqini yazdi. Bash maqalide "shübhisizki, jélilning 2001 ‏- yildin béri weten qilip tallighan bu döletke bolghan ishenchiside........Zor tewrinish bolghanliqi choqum " deydu. Hüseyin jélil mart éyida anisigha yazghan xétide "ikki yil bolay dep qaldi, lékin men kanadadin kelgen héchkimni körmidim " dep tekitligen hem kanada hökümitining "men bilen kari bolmaywatamdu " dep sorighan idi.

Hüseyin jélilning weqesi xitay - bilen kanada arisida diplomatik köngülsizliklerge yol achqan, ilgiri kanada bash ministiri stipan xarpér jélilning mesilisini xitay rehbiri xu jintaw bilen uchrashqanda otturigha qoyghan idi. Lékin xitay hüseyin jélilning kanada puqrasi ikenlikini inkar qilip, kanada emeldarlirining uning bilen köröshüshini ret qilmaqta.
Toluq bet