Канада баш министири ху җинтав билән көрүшкәндә һөсәйин җилил мәсилисини оттуриға қойди

2006-11-20
Елхәт
Пикир
Share
Принт

Вйетнамниң пайтәхти ханойда өткүзүлгән асия ‏- тинч окян иқтисадий һәмкарлиқ тәшкилати башлиқлар йеғиниға қатнашқан канада баш министири стифан һарпәр, йеғин җәрянида хитай дөләт рәиси ху җинтав билән учришип, өзбекистан тәрипидин хитайға тапшуруп берилгән һөсәйин җилил мәсилисини оттуриға қойғанлиқини билдүрди.

Канадада чиқидиған торонто юлтузи гезитиниң хәвәр қилишичә, канада баш министири стифан һарпәр йиғин һәққидә мухбирларға бәргән баянатида, президент ху җинтавға кишилик һоқуқни болупму канада пуқралириниң һоқуқини давамлиқ қоғдайдиғанлиқимни ипадилидим, дегән.

Хитай һөкүмити гәрчә, канада баш министири һарпәр билән хитай дөләт рәиси ху җинтавниң учришишида һөсәйин җилил мәсилисиниң тилға елинғанлиқини етирап қилған болсиму, әмма учришишта кишилик һоқуқ мәсилисиниң канада баш министири ейтқандәк кәң даиридә музакирә қилинмиғанлиқини илгири сүрди.

Хитай ташқи ишлар минситирлиқиниң баянатчиси ли җйәнчав мәзкур учришиш һәққидә бәргән баянатида, учришишта һөсәйин җилил мәсилисиниң тилға илинғанлиқини, әмма һәр икки тәрәп өзлириниң бу мәсилә тоғрсидики көз қарашлирини тәкитлигәнликини билдүрүп "җуңгониң җилил мәсилисидики көз қариши ениқ. Биз уни хитайчә исми билән атаймиз. Бизчә у бир хитай пуқраси. Шуниң үчүн бейҗиң униң мәсилисини хитайниң ички җинайәт делоси дәп қарайду" деди.

Хитай ташқи ишлар минситирлиқиниң баянатчиси ли җйәнчавниң баянатини, хитайниң кишилик һоқуққа болған көз қаришидин келип чиққанлиқини тәкитлигән канада баш министири һарпәр, хитай һөкүмитиниң бәзән кишилик һоқуқ мәсилилирини кишилик һоқуқ мәсилиси дәп қаримайдиғанлиқини билдүрди.

Торонто юлтузи гезитиниң хәвиридә ейтилишичә, канада баш министири һарпәрниң хитай дөләт рәиси ху җинтав билән елип барған сөһбитидә һөсәйин җилил мәсилисини оттуриға қойғанлиқиниң , бу мәсилигә қандақ тәсир көрситидиғанлиқи ениқ әмәс, әмма һөсәйин җилилниң аяли бу хәвәрни аңлап наһайити хуш болғанлиқини вә һөсәйин җилилниң қоюп берилишигә болған ишәнчсиниң көчәйгәнликини билдүргән. (Қанат)

Пикирләр (0)
Share
Толуқ бәт