Қанат ислам җүмә күни олимпик бокс түриниң йерим һәл қилғуч мусабиқисигә чүшиду

Уйғур аптоном райониға вакалитән олимпикниң бокс түригә қатнишиватқан қанат ислам, бокс түриниң оттура дәриҗиликләр чарәк һәл қилғуч мусабиқисидә баһама маһири торено җонсонни йәңгәндин кейин, җүмә куба маһири карлос бантекс суарез билән йерим һәл қилғуч мусабиқигә чүшиду. Бу уйғур аптоном райони бокс маһириниң тунҗи қетим олимпик мусабиқисидә йерим һәл қилғуч мусабиқигә қатнишишидур.
Мухбиримиз әркин хәвири
2008-08-21
Елхәт
Пикир
Share
Принт

  Әтики мусабиқиниң әһмийити зор болуп, әгәр у куба маһирини йеңивалса бу уйғур или хәлқи үчүн зор вәқә болуп қелиши мумкин. Бу йил 23 яшлардики қазақ пәрзәнти қанат ислам, франсийә агентлиқиниң мухбириға бәргән баянатида " әгәр ғәлибә қилсам бу шинҗаң хәлқи үчүн зор шан ‏ - шәрәп болуп қалатти " дәйду. Лекин у йәнә " мән медални көп ойлимаслиққа, қандақ қилип өзәмниң пүтүн иқтидаримни намайән қилишқа тиришиватимән " дәп тәкитлигән.

Қанат исламниң йерим һәл қилғуч мусабиқигә чиққанлиқи уйғур или хәлқини зор һаяҗанға салған. Қанат исламниң тринери абликим абдурешит мундақ дәйду": бу ғәлибиниң әһмийити наһайити зор. Чегра райондики бир аз санлиқ милләтниң олимпик медалиға еришиши вәтәнниң қудритини намайән қилиду." У йәнә, " бу ялғуз шәхсиниң ғәлбиси әмәс, бәлки бу пүтүн гуруппиниң шундақла пүтүн районниң ғәлибиси" дәйду.

Қанат исламниң бокс түридә йерим һәл қилғуч мусабиқигә қатнишиш салаһийитини қолға кәлтүргәнлики тәнтәнә қилиниватқан пәйт, хитай һөкүмити уйғур елидә уйғур қаршилашқучи күчлирини жандарма қисимлар вә һөкүмәт органлириға һуҗум қилип, өлүм - йитим вәқәлирини пәйда қилиш билән әйиблигән шундақла районда вәзийәт наһайити җиддий әһвалда туруватқан мәзгилгә тоғра кәлди.

Пикирләр (0)
Share
Толуқ бәт