Qanat islam jüme küni olimpik boks türining yérim hel qilghuch musabiqisige chüshidu

Uyghur aptonom rayonigha wakaliten olimpikning boks türige qatnishiwatqan qanat islam, boks türining ottura derijilikler charek hel qilghuch musabiqiside bahama mahiri toréno jonsonni yenggendin kéyin, jüme kuba mahiri karlos bantéks su'aréz bilen yérim hel qilghuch musabiqige chüshidu. Bu Uyghur aptonom rayoni boks mahirining tunji qétim olimpik musabiqiside yérim hel qilghuch musabiqige qatnishishidur.
Muxbirimiz erkin xewiri
2008-08-21
Élxet
Pikir
Share
Print

  Etiki musabiqining ehmiyiti zor bolup, eger u kuba mahirini yéngiwalsa bu Uyghur ili xelqi üchün zor weqe bolup qélishi mumkin. Bu yil 23 yashlardiki qazaq perzenti qanat islam, fransiye agéntliqining muxbirigha bergen bayanatida " eger ghelibe qilsam bu shinjang xelqi üchün zor shan ‏ - sherep bolup qalatti " deydu. Lékin u yene " men médalni köp oylimasliqqa, qandaq qilip özemning pütün iqtidarimni namayen qilishqa tirishiwatimen " dep tekitligen.

Qanat islamning yérim hel qilghuch musabiqige chiqqanliqi Uyghur ili xelqini zor hayajan'gha salghan. Qanat islamning trinéri ablikim abduréshit mundaq deydu": bu ghelibining ehmiyiti nahayiti zor. Chégra rayondiki bir az sanliq milletning olimpik médaligha érishishi wetenning qudritini namayen qilidu." U yene, " bu yalghuz shexsining ghelbisi emes, belki bu pütün guruppining shundaqla pütün rayonning ghelibisi" deydu.

Qanat islamning boks türide yérim hel qilghuch musabiqige qatnishish salahiyitini qolgha keltürgenliki tentene qiliniwatqan peyt, xitay hökümiti Uyghur élide Uyghur qarshilashquchi küchlirini zhandarma qisimlar we hökümet organlirigha hujum qilip, ölüm - yitim weqelirini peyda qilish bilen eyibligen shundaqla rayonda weziyet nahayiti jiddiy ehwalda turuwatqan mezgilge toghra keldi.

Toluq bet