Xitay hökümiti ismayil semetni ölümge höküm qildi

2006-04-06
Élxet
Pikir
Share
Print

Xitay hökümiti, 2003 ‏- yili pakistan hökümiti teripidin xitaygha tapshurup bérilgen ismayil qari we ilham dep tonolghan ismayil semetni, döletni parchilashqa urun'ghan, qanunsiz partlatquch yasash jinayiti ötküzgen dep eyiblep, ölüm jazasigha höküm qildi.

Erkin asiya radi'osi muxbirining igilishiche, smayil semet ürümchi sheherlik ottura xelq sot mehkimisi teripidin 2005‏-yili 10‏- ayning 31‏- küni ölüm jazasigha höküm qilin'ghan. Lékin sot hökümide, ismayil semetning eger hökümge qayil bolmisa, aptonom rayonluq yuqiri xelq sot mehkimisige erz qilalaydighanliqi bayan qilin'ghan.

Igilishimizche, urumchi sheherlik xelq teptish mehkimisi, ismayil semetni, 1997‏- yili 3‏- ayda pakistanning rawalpindi shehiride hesen mexsum qatarliq toqquz kishi bilen birlikte "sherqiy türkistan islam partiyisi" ni qurup chiqqan hemde musteqil sherqiy türkistan dölitini qurush meqsitide, mujahitlar terbiyilesh üchün 1997‏- yili 5‏- ayda tunji türkümdiki 11 ademni afghanistan'gha terbiyileshke aparghan, 1997‏- yili 9‏- ayda afghanistanda ximiyiwiy partlitish qurulmisi yasashni ögitidighan liza lagirini qurup shinjangliq 100ge yéqin ademni terbiyligen dep eyibligen.

Emma, ismayil semet sotning pütün eyibleshlirini ret qilip, eyibnamida békitilgen pakitlar pütünley xata, men gunahsiz dégen.

Sotning hökümnamisida bayan qilinishiche, ismayil semetning aqlighuchisi sotta " jawabkar ismayil semetke qanunsiz qoral-yaragh, oq ‏- dora, partlatquch yasighan dégen pakitni békitishning delil-ispati toluq emes, guwahchilarning guwahliqi bilen jawabkarning iqrari öz- ara mas kelmeydu dep, ismayil semetni aqlighan. (Eqide)

Pikirler (0)
Share
Toluq bet