Хәлқара кәчүрүм тәшкилати исмайил сәмәт тоғрисида җиддий уқтуруш чиқарди

2006-04-10
Елхәт
Пикир
Share
Принт

Дунядики даңлиқ кишилик һоқуқ тәшкилати болған хәлқара кәчүрүм тәшкилати дүшәнбә күни хитай һөкүмити тәрипидин өлүм җазасиға һөкүм қилинған уйғур сиясий мәһбус исмайил сәмәт тоғрисида җиддий уқтуруш чүшүрүп, көпчиликни хитайдики мунасвәтлик орунлардин исмайилға берилгән өлүм җазасини бикар қилишни тәләп қилишқа чақирди.

Хәлқара кәчүрүм тәшкилати уқтурушида, көпчиликниң җиддий тутуш қилип, уйғур аптоном районлуқ юқири сот мәһкимисиниң башлиқлириға, аптоном район партком секритари ваң лечүәнгә вә хитай баш министири вен җябавға бу һәқтә илтимас сунушини тәләп қилған.

Мәзкур тәшкилат уқтурушида йәнә, көпчиликниң хитай һөкүмитидин исмайил әмәткә берилгән өлүм җазасини иҗра қилишни тохтитишини һәтта өлүм җазасини бикар қилишини вә униң үстидин хәлқара өлчәмгә тошқан шәкилдә қайта сот ечишни тәләп қилишини илтимас қилди. Шундақла көпчиликниң хитайдики мунасивәтлик орунларға сунидиған хетидә йәнә , өзлириниң уйғур елидики кишилик һоқуқ вәзийитигә болған әндишисини ипадиләп, сиясий мәһбусларға өлүм җазаси беришни тохтитишни тәләп қилиши керәкликини билдүрди.

Хитай һөкүмити, пакистан һөкүмити тәрипидин 2003‏- йили хитайға тапшуруп берилгән смайил қари йәни илһам дәп тонулған исмайил сәмәтни, дөләтни парчилашқа урунған, қанунсиз партлатқуч ясаш җинайити өткүзгән дәп әйибләп, өлүм җазасиға һөкүм қилған иди. Лекин исмайил сәмәт сотта өзигә қаритилған пүтүн әйибләшләрни рәт қилип, гунаһсиз икәнликини җакарлиған.

Пикирләр (0)
Share
Толуқ бәт