Xelq'ara kechürüm teshkilati ismayil semet toghrisida jiddiy uqturush chiqardi

2006-04-10
Élxet
Pikir
Share
Print

Dunyadiki dangliq kishilik hoquq teshkilati bolghan xelq'ara kechürüm teshkilati düshenbe küni xitay hökümiti teripidin ölüm jazasigha höküm qilin'ghan Uyghur siyasiy mehbus ismayil semet toghrisida jiddiy uqturush chüshürüp, köpchilikni xitaydiki munaswetlik orunlardin ismayilgha bérilgen ölüm jazasini bikar qilishni telep qilishqa chaqirdi.

Xelq'ara kechürüm teshkilati uqturushida, köpchilikning jiddiy tutush qilip, Uyghur aptonom rayonluq yuqiri sot mehkimisining bashliqlirigha, aptonom rayon partkom sékritari wang léchüen'ge we xitay bash ministiri wén jyabawgha bu heqte iltimas sunushini telep qilghan.

Mezkur teshkilat uqturushida yene, köpchilikning xitay hökümitidin ismayil emetke bérilgen ölüm jazasini ijra qilishni toxtitishini hetta ölüm jazasini bikar qilishini we uning üstidin xelq'ara ölchemge toshqan shekilde qayta sot échishni telep qilishini iltimas qildi. Shundaqla köpchilikning xitaydiki munasiwetlik orunlargha sunidighan xétide yene , özlirining Uyghur élidiki kishilik hoquq weziyitige bolghan endishisini ipadilep, siyasiy mehbuslargha ölüm jazasi bérishni toxtitishni telep qilishi kéreklikini bildürdi.

Xitay hökümiti, pakistan hökümiti teripidin 2003‏- yili xitaygha tapshurup bérilgen smayil qari yeni ilham dep tonulghan ismayil semetni, döletni parchilashqa urun'ghan, qanunsiz partlatquch yasash jinayiti ötküzgen dep eyiblep, ölüm jazasigha höküm qilghan idi. Lékin ismayil semet sotta özige qaritilghan pütün eyibleshlerni ret qilip, gunahsiz ikenlikini jakarlighan.

Pikirler (0)
Share
Toluq bet