Ghulja nahiyisidiki kan hadisiliride 5 kishi qaza qildi

2005-11-30
Élxet
Pikir
Share
Print

Uyghur élining ghulja nahiyiside 3 künning ichide 3 qétim kan weqesi yüz bérip 5 kishi qaza qildi.

Tengritagh xewer torining melumatigha qarighanda, 26‏-noyabir küni ghulja nahiyisidiki 2 qétimliq kan weqeside 4 kishi qaza qilghandin kéyin, 28‏-noyabir küni mezkur ghulja nahiyisining onyar yézisidiki bir kömürkanda kan üsti kömürülüsh weqesi yüz bérip, neq meydanda éghir yarilan'ghan bir neper ishchi doxturxanida qutquzush ünüm bermey qaza qilghan.

Xewerde bu kan ishchilirining milliti yaki yash qorami toghrisida héchqandaq uchur bérilmigen. Emma onyar yézisida asasliqi Uyghurlarning köp nopusni igileydighanliqi melum. Xewerge qarighanda, bu qétimliq weqege asasliqi kan torusining ajiz bolishi, kan qézish usulining qalaq bolushi we neq meydanni bashqurush sistémisining nachar bolushi qatarliqlar seweb bolidiken.

Uyghur élide kan weqesini öz ichige alghan xizmetke alaqida bixeterlik hadisiliri köp yüz béridighan bolup, kömür kan bixeterlik ishlepchiqirish organlirining chiqarghan statistikisigha qarighanda, bu yil 1‏-aydin 9‏-ayghiche bolghan mezgilde Uyghur élide yüz bergen bixeterlik hadisiliride jem'iy 2676 kishi qaza qilip, künige texminen 8.9 Kishi qaza bolushtek weziyet shekillen'gen. (Peride)

Pikirler (0)
Share
Toluq bet