Уйғур аптоном райони вәкилләр өмики йеқинда кәшмирни зиярәт қилиду

2005-07-25
Елхәт
Пикир
Share
Принт

Уйғур аптоном райониниң бир вәкилләр өмики пат йеқинда пакистан контроллиқидики кәшмирни зиярәт қилип, уйғур аптоном райони билән кәшмирниң һәмкарлиқ мунасивити тоғрисида музакирә елип бариду.

Пакистан контроллиқидики азад җамму вә кәшмирниң санаәт вә тәбиий байлиқлар министири муһәммәд ясин ханниң ашкарилишичә, " икки тәрәп йеқинда өз ара һәмкарлиқ алақисини күчәйтишкә қошулған." Муһәммәд ясин ханниң пакистан бирләшмә ахбарат агентлиқиниға тәкитлишичә, уйғур аптоном райони даирилири пакистан контроллиқидики кәшмиргә бир вәкилләр өмики әвәтип, енергийә вә су електир енергийә саһәси бойичә һәмкарлиқ елип бериш мумкинчилики үстидин тәкшүрүш елип баридикән.

Муһәммәд ясин хан өткән һәптә уйғур аптоном районини зиярәт қилип, үрүмчи даирилири билән сөһбәт елип барди. У, зияритини шәнбә күни ахирлаштурған. Алақидар даирләр азад җамму вә кәшмирниң баш министири искәндәр һаят ханни бу йил 9 - айда өткүзүлидиған үрүмчи йәрмәнкисигә тәклип қилған. Искәндәр һаят ханниң ашкарилишичә, у 9 - айда үрүмчини зиярәт қилиш җәрянида хитайлар билән шамал вә қуяш енергийисидин пайдилиниш түрлири бойичә һәмкарлиқ елип бериш мумкинчиликини сөзлишидикән. (Әркин)

Пикирләр (0)
Share
Толуқ бәт