Уйғур 12 муқами б д т ниң мәдәний мираслар тизимликигә киргүзүлди

2005-11-27
Елхәт
Пикир
Share
Принт

Бирләшкән дөләтләр тәшкилатиниң маарип, пән-техника вә мәдәнийәт тәшкилати 25 -ноябир күни париждики баш шитабида "инсанларниң ағзаки вә ғәйри маддий мираслири" тизимликигә йеңидин қобул қилинған 3-түркүм әсәрләрни елан қилди. Бу тизимликкә уйғурларниң әнәниви сәнәт мираслиридин болған "12 муқам" му киргүзүлди.

"Уйғур 12 муқами" нахша-усул вә музика бирләшкән универсал сәнәт шәклини алған болуп, "12 муқам" ниң музика ипадилири һәтта оттура асия, җәнубий асия, ғәрбий асия вә шималий африқидики 19 дөләт вә районларғичә таралған.

Б д т маарип, пән-техника вә мәдәнийәт тәшкилати 1998 -йили мәзкур " инсанларниң ағзаки вә ғәйри маддий мираслири" түрини тәсис қилған болуп, бу асаслиқи инсанларниң маддий болмиған мәдәний мираслирини қоғдашни мәқсәт қилиду. Буниңға инсанларниң әң қиммәтлик, йоқулуш алдида турған һәмдә уни 10 йилниң ичидә қутулдурувелиш пиланиға елинидиған ағзаки вә ғәйри маддий мираслири киргүзүлиду.

Мәзкур тизимликкә "уйғур 12 муқами"дин башқа йәнә, дуняниң һәр қайси җайлиридики ағзаки мәдәний мираслардин 42 си киргүзүлгән болуп, моңғулларниң узун пәдилик хәлқ нахшисиму буниңдин орун алған. (Пәридә)

Пикирләр (0)
Share
Толуқ бәт