Uyghur muqam ansambili özbékistanda oyun körsetmekchi

2006-07-28
Élxet
Pikir
Share
Print

Uyghur aptonom rayoni muqam ansambili 29 we 30 - iyul künliri özbékistan paytexti tashkenttiki türkistan sariyida oyun körsetmekchi. Bu qétimqi konsért kéchiliki özbékistandiki xitay elchixanisi, junggo chet'el medeniyiti jem'iyiti, özbékistandiki xitay medeniyet merkizi, tashkent Uyghur medeniyet merkizi qatarliq organlar we özbékistandiki bir qisim xitay shirket we résturanliri teripidin uyushturulghan.

Bu pa'aliyet shu künlerde élip bérilmaqta bolghan junggo medeniyet küni bayrimining bir qisimi bolushi mumkin. Xitay elchixanisi bu ayning 21 - küni axbarat élan qilish yighini chaqirip, özbékistanda junggo medeniyet bayrimi ötküzülidighanliqini élan qilghan idi. Junggo mediniyet bayrimining küntertipi boyiche 28 - iyuldin bashlap 10 kün'giche junggo kino heptiliki ötküzülmekchi. Uyghur muqam ansambiligha xen jéngtang, enwer abdushükürler yitekchilik qilghan.

Özbékistan metbu'atlirining xewer qilishiche, sen'etchiler özbék tamashibinlargha 12 muqamning meshrep qisimini, kolliktip we yalghuz kishilik naxsha - usullar hem zunun qadirning " ghunchem" drammisidin parchilarni orundaydiken.

Junggo hökümiti bu yil kirgendin béri, ottura asiya elliride ammiwiy pa'aliyetlerni kücheytmekte. Bolupmu özbékistan hökümiti Uyghur diniy zat hüsenjan jélilni xitaygha ötküzüp bergendin kéyin, özbékistan'gha keyni - keynidin ammiwiy ümeklerni ewetishke bashlidi. Yéqinda Uyghur aptonom rayonining bir soda- sana'etchiler ömiki tashkentni ziyaret qilghan. (Erkin)

Pikirler (0)
Share
Toluq bet