Uyghur muqami özbékistanda körsitildi

2006-08-02
Élxet
Pikir
Share
Print

29‏- We 30‏- iyol künliri Uyghur muqam ansambili özbékistan paytexti tashkenttiki türkistan sariyida ikki meydan dostluq ziyaret oyuni körsetti. Oyun bashlinishtin burun xitayning özbékistanda turushluq bash elchisi we özbékistandiki Uyghur medeniyet merkizi rehbiri söz qilip, ikki dölet dostluqini tekitleshti.

Uyghur muqam ansambilidiki artistlar Uyghurche kiyim-kécheklirini kiyip we Uyghur sazliri bilen "chebiyat muqami" ni orunlap chiqip, tamashibinlarning qizghin alqishigha érishken. Uyghur muqam ansambilining bu ziyariti, junggo, shinjang chet'el alaqe oyushmiliri teripidin orunlashturulghan bolup, ularning tashkenttiki oyun körsitish jeryanlirigha "xitay milletler medeniyet merkizi" bilen özbékistandiki "Uyghur medeniyet merkizi" mes'ul bolghan.

Mezkur pa'aliyet gerche özbékistanliqlar bilen Uyghurlar otturisidiki dostluqni kücheytish rolini oynisimu, emma özbékistan da'iriliri bilen xitay hökümiti arisida Uyghur musteqilchilirini ortaq basturush hemkarliq kélishimliri bar. Bolupmu enjan weqesidin kéyin xitayning enjandiki basturushni qollishi bilen kerimof hökümiti xitaygha téximu yéqinlashti. (Peride)

Pikirler (0)
Share
Toluq bet