Muqam ansambili artistliri teywende 12 muqamni orunlash teyyarliq körmekte

2006-08-03
Élxet
Pikir
Share
Print

Xewerlerge qarighanda, aptonom rayonluq muqam ansambili artistliri 8 ‏- awghust küni teywen'ge bérip uyun qoyush üchün teyyarliq körmekte iken.

Chet'ellerdiki Uyghurlar, xitay medenyet idarisining orunlashturushi astida , muqam ansambilining arqa ‏- arqidin chet'ellerge bérip oyun körsitishi, bolupmu birleshken döletler teshkilatining, ütken yili Uyghur 12 muqamini , insaniyetning aghzaki we gheyri maddi - medenyet miraslirining wekillik esiri dep békitkendin kéyin, bu jehettiki pa'aliyetlerni kücheytishi, Uyghur sen'itini namayen qilish bolup qalmastin, belki xitayning Uyghur sen'itini tereqqi qildurushqa ehmiyet bériwatqanliqini gewdilendürüsh üchün dep qaraydiken.

12 Muqam, uzaq tarixqa ige bolup, 12 muqamning qézilip retlinip, bügünki dewirge yétip kélishi, se'ide xanliqining qurghuchisi ebu se'idxanning oghli abdurishitxan, muqamshunas, sha'ir qidirxan we xanish amannisaxanlarning tirishchanliqi, meshhur muqamshunas turdaxonning warisliqida saqlan'ghan we 1956 - yili notigha éin'ghan.

Muqam ansambili ötken ayning axiri, özbékistanning paytexti tashkentte, ikki meydan oyun körsitip, 12 muqamning parchilirini orunlighan idi.

Tengritagh tori xewiride , muqam ansambili artstlirining, bu qétim teybéy shehiride "chebiyat muqami" ni asas qilip, 19 meydan nomur körsetkendin sirt, teywen sen'et sahesidiki mütexessisler we her qaysi ellerdin kelgen muxbirlar bilen 12 muqam heqqide söhbet élip baridighanliqi tekitlen'gen. (Eqide)

Pikirler (0)
Share
Toluq bet