Бишкәктики уйғурлар өзбекистан әлчиханиси алдида намайиш өткүзди

2006-05-25
Елхәт
Пикир
Share
Принт

Русийиниң интерфакис агентлиқиниң хәвригә қариғанда 25-май күни қирғизистанниң пайтәхти бишкәк шәһиридики өзбекистан әлчиханиси алдида мәлум сандики уйғурлар наразилиқ намайиши өткүзүп, өзбекистан даирилиридин һүсәйинҗан җелилни қоюп беришни тәләп қилған.

Һүсәйинҗан җелил канада пуқраси болуп, у април ейида туғқан йоқлаш үчүн өзбекистанға барғанда, өзбек сақчилири тәрипидин қолға елинип, түрмигә ташланған шуниңдәк өзбекистан даирилири уни терроризим билән әйибләп, униңға 2000-йили қирғизистан уйғурлири иттипақиниң рәиси ниғмәт босақопни өлтүрүш һәмдә уйғур аптоном районидин рәсми зиярәт билән бишкәккә кәлгән хитай һөкүмәт хадимлириға һуҗум қилиш җинайәтлирини артқан.

Хәвәрләргә қариғанда , өзбекистан даирилириниң канада һөкүмитиниң ариға чүшишигә қаримай, уни хитайға қайтуруп бериш хәвипи пәйда болмақта.

Намайишни тәшкиллигүчи орун қирғизистан демократийә вә инсан һоқуқи тәшкилати болуп, қирғизистан уйғур җамаити вә мәзкур тәшкилат әзалири һүсәйинҗан җелилға артилған җинайәтләрниң тоқулма икәнликини билдүрмәктә . Улар , һүсәйинҗан җелилниң 2001-йилидин етибарән канада яшватқан канада пуқраси икәнликини көрситип, өзбек даирилиридин хитай билән болған һәмкарлиқни дәп, уйғурларниң кишилик һоқуқлирини дәпсәндә қилмаслиқни тәләп қилған.)Умидвар(

Пикирләр (0)
Share
Толуқ бәт