Bishkektiki Uyghurlar özbékistan elchixanisi aldida namayish ötküzdi

2006-05-25
Élxet
Pikir
Share
Print

Rusiyining intérfakis agéntliqining xewrige qarighanda 25-may küni qirghizistanning paytexti bishkek shehiridiki özbékistan elchixanisi aldida melum sandiki Uyghurlar naraziliq namayishi ötküzüp, özbékistan da'iriliridin hüseyinjan jélilni qoyup bérishni telep qilghan.

Hüseyinjan jélil kanada puqrasi bolup, u april éyida tughqan yoqlash üchün özbékistan'gha barghanda, özbék saqchiliri teripidin qolgha élinip, türmige tashlan'ghan shuningdek özbékistan da'iriliri uni térrorizim bilen eyiblep, uninggha 2000-yili qirghizistan Uyghurliri ittipaqining re'isi nighmet bosaqopni öltürüsh hemde Uyghur aptonom rayonidin resmi ziyaret bilen bishkekke kelgen xitay hökümet xadimlirigha hujum qilish jinayetlirini artqan.

Xewerlerge qarighanda , özbékistan da'irilirining kanada hökümitining arigha chüshishige qarimay, uni xitaygha qayturup bérish xewipi peyda bolmaqta.

Namayishni teshkilligüchi orun qirghizistan démokratiye we insan hoquqi teshkilati bolup, qirghizistan Uyghur jama'iti we mezkur teshkilat ezaliri hüseyinjan jélilgha artilghan jinayetlerning toqulma ikenlikini bildürmekte . Ular , hüseyinjan jélilning 2001-yilidin étibaren kanada yashwatqan kanada puqrasi ikenlikini körsitip, özbék da'iriliridin xitay bilen bolghan hemkarliqni dep, Uyghurlarning kishilik hoquqlirini depsende qilmasliqni telep qilghan.)Umidwar(

Pikirler (0)
Share
Toluq bet