Хитай даирлири 8 - ноябир "читәй вәқәси" ниң сәвәбини елан қилди

2005-12-30
Елхәт
Пикир
Share
Принт

Хитай мәтбуатлириға ашкарилишичә, уйғур аптоном районлуқ җамаәт хәвпсизлик назарити бу йил 11 - айниң 8 - күни гучуң наһийисиниң бейташән көмүр кенида йүз бәргән партлаш вәқәсини адәмләр тәрипидин қәстән пәйда қилинған өч елиш қәстики партлитиш вәқәси, дәп җакарлиған.

Бу йил 11 - айниң 8 - күни мәзкур көмүр кандики бир амбарда дөвләп қоюлған 500 килограм партлатқуч дора туюқсиз партлап кетип 14 адәм өлгән, 24 адәм яриланған иди. Җамаәт хәвпжлик даирилириниң 28 - декабир күни ашкарилишичә,вәқәни диң җифу исимлик бир хитай көчмәнниң шәхси адавитини дәп өч елиш мәқсиди билән кәлтүрүп чиқарғанлиқини билдүргән. Әмма хитай мәтбуатлири җавапкарниң көмүр канда партлаш вәқәси пәйда қилип, 14 адәмниң өлүшигә сәвәбчи болған шәхси адавитиниң немә икәнликини тилға алмиған.

Уйғур аптоном районида хитай көчмәнлириниң шәхси адавәт яки һөкүмәткә нарази болса , җамаәт сорунлирида зораванлиқ вәқәлирини пәйда қилиш һәрикәтлири даим йүз берип турмақта.

Өткән йили ғулҗида узун йоллуқ йолучилар аптовузини гөрүгә еливалған бир хитай пуқраси сақчилар тәрипидин етип ташланған. Икки йил илгири бир хитай пуқраси шихуда бир йолучилар минибусини партлитип шиходин майтағқа қәврә йоқлап қайтиватқан уйғур йолучилардин нәччә адәмниң өлүшини кәлтүрүп чиқарған иди. Дәсләптә хитай мәтбуатлири бу вәқәниң шәрқий түркистан күчлири тәрипидин елип берилғанлиқини елан қилған болсиму, әмма кейин бир хитай пуқрасиниң өч елиш һәрикити икәнлики ашкариланған иди. (Әркин)

Пикирләр (0)
Share
Толуқ бәт