Xitay da'irliri 8 - noyabir "chitey weqesi" ning sewebini élan qildi

2005-12-30
Élxet
Pikir
Share
Print

Xitay metbu'atlirigha ashkarilishiche, Uyghur aptonom rayonluq jama'et xewpsizlik nazariti bu yil 11 - ayning 8 - küni guchung nahiyisining béytashen kömür kénida yüz bergen partlash weqesini ademler teripidin qesten peyda qilin'ghan öch élish qestiki partlitish weqesi, dep jakarlighan.

Bu yil 11 - ayning 8 - küni mezkur kömür kandiki bir ambarda döwlep qoyulghan 500 kilogram partlatquch dora tuyuqsiz partlap kétip 14 adem ölgen, 24 adem yarilan'ghan idi. Jama'et xewpzhlik da'irilirining 28 - dékabir küni ashkarilishiche,weqeni ding jifu isimlik bir xitay köchmenning shexsi adawitini dep öch élish meqsidi bilen keltürüp chiqarghanliqini bildürgen. Emma xitay metbu'atliri jawapkarning kömür kanda partlash weqesi peyda qilip, 14 ademning ölüshige sewebchi bolghan shexsi adawitining néme ikenlikini tilgha almighan.

Uyghur aptonom rayonida xitay köchmenlirining shexsi adawet yaki hökümetke narazi bolsa , jama'et sorunlirida zorawanliq weqelirini peyda qilish heriketliri da'im yüz bérip turmaqta.

Ötken yili ghuljida uzun yolluq yoluchilar aptowuzini görüge éliwalghan bir xitay puqrasi saqchilar teripidin étip tashlan'ghan. Ikki yil ilgiri bir xitay puqrasi shixuda bir yoluchilar minibusini partlitip shixodin maytaghqa qewre yoqlap qaytiwatqan Uyghur yoluchilardin nechche ademning ölüshini keltürüp chiqarghan idi. Deslepte xitay metbu'atliri bu weqening sherqiy türkistan küchliri teripidin élip bérilghanliqini élan qilghan bolsimu, emma kéyin bir xitay puqrasining öch élish herikiti ikenliki ashkarilan'ghan idi. (Erkin)

Pikirler (0)
Share
Toluq bet