Хитай сот мәһкимиси бир уйғурни муддәтсиз қамақ җазасиға һөкүм қилди

2005-07-25
Елхәт
Пикир
Share
Принт

Үрүмчи шәһәрлик оттура хәлқ сот мәһкимиси буниңдин үч ай илгири мәхпий сот ечип, 2002 - йили 8 - айда пакистан даирилири тәрипидин хитайға қайтуруп берилгән пакистанда яшаватқан қәшқәрлик муһәммәд тохтини муддәтсиз қамақ җазасиға һөкүм қилған.

Муһәммәд тохти узун йиллардин бери пакистанда яшаватқан уйғур муһаҗирларниң бири иди. Әмма аптоном районлуқ дөләт бихәтәрлик идариси 2002 - йили 8 - айда пакистан ички бихәтәрлик идарисиниң рухсити билән пакистанға мәхпий сақчиларни әвәтип, муһәммәд тохтини равалпиндида қолға алғандин кейин үрүмчигә елип кәткән.

Муһәммәд тохти қолға елиништин илгири б д т пакистандики мусапирлар ишханисидин сияси панаһлиқ тилигән болуп, мусапирлар ишханиси униңға сияси панаһлиқ бәргән вә шветсийә тәрипидин қобул қилинған иди. У шветсийигә қарап учуштин бир қанчә күн илгири қолға елинди.

Мәркизи германийидики дуня уйғур қурултийиниң мәлуматиға қариғанда, үрүмчи шәһәрлик оттура хәлқ сот мәһкимиси үч айниң алдида муһәммәд тохтиға һөкүм елан қилип, муддәтсиз қамақ җазасиға һөкүм қилған. Әмма сот мәһкимисиниң муһәммәт тохтини қандақ җинайәтләр билән әйиблигәнлики һазирғичә мәлум әмәскән. (Әркин)

Пикирләр (0)
Share
Толуқ бәт