Ürümchide ölümge höküm qilin'ghan bir türküm mehbuslarning jazasi ijra qilindi

2006-06-23
Élxet
Pikir
Share
Print

Uyghur aptonom rayonining merkizi ürümchide sheherlik ottura sot mehkimisi teripidin ölüm jazasigha höküm qilin'ghan bir türküm mehbuslarning jazasi, aptonom rayonluq yuqiri sotning tedbiqlishidin kéyin 22 - iyun küni ijra qilindi.

Ölüm jazasi ijra qilin'ghan bu türkümdiki mehbuslarning 6 nepiri qatilliq, basqunchiliq we bulangchiliq jinayetliridin eyiblen'gen xitay köchmenlirini asas qilghan. Xitay metbu'atliri bu weqeni "sheherlik ottura sot mehkimisi ölüm jazasigha höküm qilin'ghan bir türküm jinayetchilerning jazasi ijra qilindi" dep xewer berdi we ölüm jazasi ijra qilin'ghan yang siji, ju bing, ma yingjün, li chünping qatarliq 6 kishining ismini tilgha aldi. Lékin , atalmish bu bir türküm mehbuslarning mushu 6 kishi bilen cheklinidighanliqini yaki bu bir türkümler ichide bashqilarning bar - yoqliqini we ölüm jazasining miltiq bilen yaki zeherlik yingnide ijra qilin'ghanliqini eskertmigen.

Xitay dunya boyiche ölüm jazasini keng kölemde ijra qiliwatqan dölet süpitide xelq'ara jem'iyetning tenqidige uchrimaqta. Mutexessislerning perez qilishiche, xitayda yiligha az dégende 10 ming adem ölüm jazasigha höküm qilinishi mumkin. Lékin xitay hökümiti ölüm jazasigha höküm qilin'ghanlarning sanini dölet mexpiyetliki qatarida hazirghiche élan qilip baqmidi.

Xitay da'iriliri ilgiri ölüm jazasini tedbiqlash hoquqini aliy sot ötküzüwalidighanliqini jakarlighan. Lékin, xitay metbu'atliri yuqiriqi kishilerge bérilgen ölüm jazasini "yuqiri sotning tedbiqlishidin kéyin" ijra qilindi, dep yazdi. (Erkin)

Pikirler (0)
Share
Toluq bet