Үрүмчидә балилар дохтурханисиниң алдида партлаш вәқәси йүз бәрди

2006-12-15
Елхәт
Пикир
Share
Принт

Уйғур аптоном райониниң мәркизи үрүмчидә җүмә күни чүштин кейин саәт 3 :00 ләрдә ғәрбий қовуқтики (беймин) биринчи хәлқ дохтурханиси алдида бомба партлаш вәқәси йүз берип, аз дегәндә 2 адәм яриланди. Лекин адәм өлүш вәқәси йүз бәрмигән.

Хитай мәтбуатлири партлашта дохтурханиға кириш ишикиниң деризилири вәйран болғанлиқини вә икки адәмниң әйнәк парчилирида яриланғанлиқини билдүрмәктә. Вәқә йүз берип 15 минуттин кейин сақчилар нәқ мәйданға йетип келип әтрапни қамал қилған. Шинхуа ахбарат агентлиқиниң әскәртишичә, сақчилар бомбиниң қолда ясалғанлиқини ениқлиған болсиму, лекин вәқәни кимниң пәйда қилғанлиқи вә немә сәвәбтин елип барғанлиқини давамлиқ тәкшүрмәктә икән.

Тәңритағ тор бети бу һәқтики хәвиридә сақчиларниң күлрәң пәй чапан кийгән 25 яшлардики яштин гуманлиниватқанлиқини илгири сүргән болсиму, лекин бу яшниң қайси милләттин икәнликини тилға алмиған. Кишилик һоқуқ тәшкилатлири, хитай һөкүмити террорлуқни баһанә қилип, уйғурларниң кишилик һоқуқини дәпсәндә қиливатиду, дәп әйиблимәктә иди. (Әркин)

Пикирләр (0)
Share
Толуқ бәт