Ürümchide balilar doxturxanisining aldida partlash weqesi yüz berdi

2006-12-15
Élxet
Pikir
Share
Print

Uyghur aptonom rayonining merkizi ürümchide jüme küni chüshtin kéyin sa'et 3 :00 lerde gherbiy qowuqtiki (béymin) birinchi xelq doxturxanisi aldida bomba partlash weqesi yüz bérip, az dégende 2 adem yarilandi. Lékin adem ölüsh weqesi yüz bermigen.

Xitay metbu'atliri partlashta doxturxanigha kirish ishikining dériziliri weyran bolghanliqini we ikki ademning eynek parchilirida yarilan'ghanliqini bildürmekte. Weqe yüz bérip 15 minuttin kéyin saqchilar neq meydan'gha yétip kélip etrapni qamal qilghan. Shinxu'a axbarat agéntliqining eskertishiche, saqchilar bombining qolda yasalghanliqini éniqlighan bolsimu, lékin weqeni kimning peyda qilghanliqi we néme sewebtin élip barghanliqini dawamliq tekshürmekte iken.

Tengritagh tor béti bu heqtiki xewiride saqchilarning külreng pey chapan kiygen 25 yashlardiki yashtin gumanliniwatqanliqini ilgiri sürgen bolsimu, lékin bu yashning qaysi millettin ikenlikini tilgha almighan. Kishilik hoquq teshkilatliri, xitay hökümiti térrorluqni bahane qilip, Uyghurlarning kishilik hoquqini depsende qiliwatidu, dep eyiblimekte idi. (Erkin)

Pikirler (0)
Share
Toluq bet