Хелсинки федиратсийиси қазақистанни 2 нәпәр уйғур мусапир һәққидә агаһландурди

2006-05-22
Елхәт
Пикир
Share
Принт

Мәркизи виянадики хәлқара хелсинки кишилик һоқуқи федиратсийиси баянат елан қилип, қазақистанда йүсүп қадир тохти вә абдуқадир сидиқ қатарлиқ 2 уйғурниң из - дерәксиз йоқап кәткәнликидин әндишә қиливатқанлиқини, ейтишларға қариғанда уларниң хитайға мәхпий һалда өткүзүп берилгән болуши мумкинлики вә буниң хәлқара қанунларға хилап икәнликини билдүрди.

Йүсүп қадир тохти билән абдуқадир сидиқлар бу йил 3 - айда қазақистан даирилири тәрипидин тутуп қелинған вә ялған паспорт елип йүрүш, диний әсәбийлик тәшвиқ қилинған учурларни тарқитиш билән әйибләнгән. Қазақистан һөкүмити хитайниң бу кишиләрни хитайға өткүзүп бериш һәққидики бесимиға дуч кәлмәктә иди.

Хелсинкий федиратсийисиниң ашкарилишичә, қазақистан һөкүмити бу икки уйғур мусапирни йеқинда хәлқара кишилик һоқуқ тәшкилатлириниң бесими билән қоюп бәргән, лекин қоюп берилгәндин уларниң из дерикини алалмиған. Хелсинкий федиерасийиси, бу кишиләрниң хитайға мәҗбурий өткүзүп берилиш мумкинчилики барлиқидин әндишә қилмақта. Хелсинкий федиратсийисиниң әскәртишичә, бу кишиләр хитайға өткүзүп берилсә кишилик һоқуқи еғир дәриҗидә дәпсәндә қилиниш, тән җазасиға учраш вә адаләтсиз җазалиниш еһтимали бар икән.

Қазақистанниң б д т мусапирлар әһдинамиси вә б д т тән җазасиға қарши туруш әһдинамисиға имза қойғанлиқини агаһландурған бу орган баянатида " әһдинамә бойичә бир кишини тән җазасиға учраш еһтимали бар дөләткә қайтуруш чәкләнгән.

Хитай өлүм җазасини йәңгиллик билән йолға қоймақта вә шинҗаңда өлүм җазаси кәң көләмдә иҗра қилинмақта " дәйду. Хелсинкий федиратсийисиниң әскәртишичә, қазақистан һөкүмити йеқинқи йилларда абдуқадир идрис, әхәт мамут вә турғун аббас қатарлиқ уйғурларни хитайға өткүзүп бәргән вә абдунәби абләт, тохти турсун, мухайә шавкәтова, гүзәл рамазанова, шерингүл қурбанҗанова қатарлиқ уйғурлар қазақистанда из дерәксиз йоқалған. (Әркин)

Пикирләр (0)
Share
Толуқ бәт