Вен җиябав ақайефниң уйғурларни бастурушқа ярдәмләшкинигә рәһмәт ейтти

2004-09-22
Елхәт
Пикир
Share
Принт

Қирғизистанда зиярәттә боливатқан хитай баш министири вен җиябав чаршәнбә күни қирғизистан президенти әсқәр ақайеф билән көрүшүп, униң "бир хитай" принсипида чиң туруп, аталмиш "уйғур бөлгүнчи" лирини бастурушқа ярдәмләшкәнликигә рәһмәт ейтти.

Вен җиябав йәнә, қирғизистан баш министири николай танайеф билән учрашқандиму, "шәрқий түркистан" тәшкилатлирини өз ичигә 3 хил күчкә зәрбә беришниң хитай-қирғизистан мунасивәтлиридики муһим нуқта икәнликини әскәрткән.

Америка бирләшмә ахбарат агентлиқиниң хәвәр қилишичә, президент әсқәр ақайеф бу учришишта, вен җиябавдин қирғизистанниң су електр қурулуши үчүн 2 милярд америка доллири мәбләғ селишни тәләп қилди.

Шундақла вен җиябав сәйшәнбә күни танайеф билән 10 йиллиқ һәмкарлиқ программисиға қол қойди. Бу программа 18 саһәдики йүз нәччә хил түрдин тәшкил тапқан болуп, һәтта террорчилиққа қарши көрәшниму өз ичигә алидикән. Хитай йәнә қирғизистанниң ислаһатиға ярдәм қилиш намида 6 милйон америка доллири пул бәргән. (Пәридә)

Пикирләр (0)
Share
Толуқ бәт