Uyghur siyasiy pa'aliyetchisi sabit abduraxman alemdin ötti

2005-07-14
Élxet
Pikir
Share
Print

sabit-abduraxman.jpg
Merhum sabit abduraxman ependi (tartilghan yili namelum)

Uyghuristan azadliq teshkilatining qurghuchi rehberliridin we Uyghurlarning chet'ellerdiki sherqiy türkistan musteqilliq körishining pishwalirining biri bolghan sabit abduraxman ependi 14 - iyul küni qazaqistanning almata shehiride qatnash hadisisige uchrap 78 yéshida qaza qildi.

Qazaqistandiki ixtiyari muxbirimizning igiligen uchurlirigha asaslan'ghinimizda, merhum sabit abduraxman ependi öyining aldidiki kochida aptobustin chüshüp yoldin ötüwatqinida mashinigha soqulup ketken. Shundaqla mashina qattiq soquwetkenliktin qutquzush mashinisi kélip bolghuche jan üzgen.

Mashina heydigüchi kishi 21 yashliq elik isimlik rus bala bolup, mashinida uning dadisimu bar ikentuq. Hazir deslepki qedemde bu weqening bir qatnash hadisisi ikenliki melum boldi.

Merhum sabit abduraxman ependi 1928 - yili qazaqistanda tughulghan bolup, u 1930 - yillarda ata-anisi bilen ghuljigha köchüp kélip, shu yerde ma'arip terbiyisi alghan. Shundaqla u kéyin 1944 - yilidiki milliy azadliq inqilabining qatnashquchisi bolush süpiti bilen ghulja shehirini azad qilish jenglirige qatnashqan. Shundaqla shu sewebtin bir qanche qétim türmilerge tashlan'ghan.

Almatadiki ixtiyari muxbirimiz abdulla neq meydan ziyaritidin kéyin, merhumning tasadipiy ölümi heqqide bu tepsiliy melumatlarni silerge sundi.

Pikirler (0)
Share
Toluq bet