Мутәхәссисләр, уйғурларниң хәлқара террорчилиқ билән һечқандақ алақиси йоқлиқини билдүрмәктә

2006-09-05
Елхәт
Пикир
Share
Принт

11‏- Сентәбир террорлуқ вәқәсидин кейин, уйғур елидә шәрқий түркистан мустәқиллиқ күчлириниң террорлуқ паалийәтлирини қанат яйдурғанлиқини җакарлиған хитай һөкүмити, әмди чәтәллик содигәрләрни районға мәбләғ селишқа рәғбәтләндүрүш үчүн, уйғур елидә террорчилиқ һәрикәтлириниң мәвҗут әмәсликини испатлашқа тиришмақта.

Хитайниң уйғур елидики партком секретари ваң лечүән 2‏- сентәбир күни үрүмчидә мухбирларға бәргән баянатида, шинҗаң террорлуқ вәқәлири йүз берип турудиған җай әмәс. У шундақла "шинҗаң тарихтики әң яхши дәврини яшаватиду, дегән.

Уйғурларниң миллий мустәқиллиқ һәрикитини террорлуқ һәрикити дәп әйиблигән хитай һөкүмити, хәлқара террорчилиққа қарши уруштин пайдилиниш үчүн уйғуларниң хәлқара террорлуқ һәрикәтлири һәмдә осама бин ладин билән алақиси барлиқини баян қилмақта.

Лекин ғәрблик мутәхәссисләр вә сиясий мулаһизичиләр, хитайниң уйғур елидики террорлуқ мәсилисиниң 11‏-сентәбир вәқәсидин кейин тосаттин оттуриға чиққанлиқини тәкитлимәктә.

Җәнубий җуңго сәһәрлик гезитиниң 5‏-сентәбир күни хәвәр қилишичә, атақлиқ америкилиқ уйғур мутәхәссиси дру гиладни, уйғуларниң хәлқара террорлуқ һәрикәтлири билән алақиси барлиқини испатлайдиған һечқандақ дәлил мәвҗут әмәсликини билдүргән.

Хәвәрдә ейтилишичә, хәлқара кишилик һоқуқни күзитиш тәшкилатиниң хоңкоңдики тәтқиқатчиси николас биколин, хитай һөкүмитиниң террорчилиқ тәһдитидин уйғурлани бастуруш үчүн пайдиланғанлиқини тәкитләп, хитайниң уйғурлар үстидики бесими наһайити еғир болуп, хитай һөкүмити, һөкүмәтниң сияситини тәнқид қилған һәрқандақ бир уйғурни террорчи яки бөлгүнчи дәп қарайду, дегән. (Қанат)

Пикирләр (0)
Share
Толуқ бәт