Аз санлиқ милләтәр һоқуқи тәшкилати: террорлуққа қарши уруш аз санлиқларға қарши урушқа айланди

2006-09-08
Елхәт
Пикир
Share
Принт

Мәркизи лондондики аз санлиқ милләтләр һоқуқи тәшкилати баянат елан қилип, йәр шари характерлик террорлуққа қарши урушниң аз санлиқ милләтләргә қарши урушқа айланғанлиқини билдүрди.

Аз санлиқ милләтләр һоқуқи тәшкилатиниң иҗраийә мудири марк латимер, интер прәс ахбарат агентлиқиға "йәр шари характерлик террорлуққа қарши урушниң бәдили кишилик һоқуқ билән төләнмәктә " дәйду.

Интер прәс ахбарат агентлиқиниң хәвәр қилишичә, латимер, хитайға охшаш дөләтләрдә көрүнәрлик террорлуқ тәһдити мәвҗут болмисиму, лекин террорлуққа қарши туруш қануни уйғур мусулманлар, тибәтләр вә моңғолларни бастурушқа ишлитиливатқанлиқини билдүргән.

Аз санлиқлар һоқуқи тәшкилатиниң әскәртишичә, террорлуққа қарши туруш қануниға алақидар мәсилиләрдә нурғун дилолар мусулман аз санлиқларни нишанға алған вә бу халиғанчә қолға елиш, сот қилмай тутуп туруш вә тән җазалириниң көпийишини кәлтүрүп чиқарған. Хитай һөкүмити 11 - синтәбир вәқәсидин кейин шәрқий түркистан күчлирини хәлқара террорчилиқниң бир қисими, дәп җакарлиған болсиму, лекин кишилик һоқуқ тәшкилатлири хитайни йәр шари характерлик террорлуққа қарши уруштин пайдилинип, уйғурларниң кишилик һоқуқини дәпсәндә қилмақта, дәп әйиблиди. (Әркин)

Пикирләр (0)
Share
Толуқ бәт