Az sanliq milleter hoquqi teshkilati: térrorluqqa qarshi urush az sanliqlargha qarshi urushqa aylandi

2006-09-08
Élxet
Pikir
Share
Print

Merkizi londondiki az sanliq milletler hoquqi teshkilati bayanat élan qilip, yer shari xaraktérlik térrorluqqa qarshi urushning az sanliq milletlerge qarshi urushqa aylan'ghanliqini bildürdi.

Az sanliq milletler hoquqi teshkilatining ijra'iye mudiri mark latimér, intér pres axbarat agéntliqigha "yer shari xaraktérlik térrorluqqa qarshi urushning bedili kishilik hoquq bilen tölenmekte " deydu.

Intér pres axbarat agéntliqining xewer qilishiche, latimér, xitaygha oxshash döletlerde körünerlik térrorluq tehditi mewjut bolmisimu, lékin térrorluqqa qarshi turush qanuni Uyghur musulmanlar, tibetler we mongghollarni basturushqa ishlitiliwatqanliqini bildürgen.

Az sanliqlar hoquqi teshkilatining eskertishiche, térrorluqqa qarshi turush qanunigha alaqidar mesililerde nurghun dilolar musulman az sanliqlarni nishan'gha alghan we bu xalighanche qolgha élish, sot qilmay tutup turush we ten jazalirining köpiyishini keltürüp chiqarghan. Xitay hökümiti 11 - sintebir weqesidin kéyin sherqiy türkistan küchlirini xelq'ara térrorchiliqning bir qisimi, dep jakarlighan bolsimu, lékin kishilik hoquq teshkilatliri xitayni yer shari xaraktérlik térrorluqqa qarshi urushtin paydilinip, Uyghurlarning kishilik hoquqini depsende qilmaqta, dep eyiblidi. (Erkin)

Pikirler (0)
Share
Toluq bet