Хитай даирилири үрүмчидә җәнуплуқ 6 уйғур яшни тутқун қилди

2005-08-05
Елхәт
Пикир
Share
Принт

Уйғур аптоном районидики җамаәт хәвпсизлик даирилири, бу йил 8 - айниң башлиридин 10 - айниң оттурилириғичә аптоном район бойичә үч хил күчләргә қарши тазилаш елип баридиғанлиқини җакарлиғандин кейин, уйғур аптоном райониниң мәркизи үрүмчидә хотәнлик 6 яшни қолға алған.

Шәрқий түркистан учур мәркизиниң хәвәр қилишичә, қолға елинған яшлар хотәнниң кирийә наһийисидин болуп, 7 - айниң 8 - күни сәншихаңзидики "талла базири" ниң арқисиға җайлашқан бинада қолға елинған. Улар һазир үрүмчидики нәнгуән сақчиханисида тутуп турулмақта икән.

Шәрқий түркистан учур мәркизи, уйғур яшларниң "қанунсиз диний паалийәтчиләр," дигән гуман билән қолға елинғанлиқини билдүрди. Әмма даириләр тутқунларни әйибләйдиған җинайәт тапалмиған.

Қолға елинғанлар ибраһим турсун, муһәммәтҗан ислам, дөләт рози, алим абдуқадирлар болуп, буларниң әң чоңи 20 яшларда икән. Тутқунлар қолға елинғандин кейин уларниң аилә - тавабати балиларниң из дерикини қилған болсиму, әмма сақчилар уларни уйғур аптоном райони қурулғанлиқиниң 50 йиллиқини тәбрикләш паалийити ахирлашқичә тутуп туридиғанлиқини билдүргән. (Әркин)

Пикирләр (0)
Share
Толуқ бәт